BE STRONG | Оролцогч Б.Цэрэнноров аавынхаа талаар нууц яриаг ДЭЛГЭНЭ

ТВ8 телевиз, HR Corporation-ийн ерөнхийлөгч Ё.Мөнхдэмбэрэл нарын хамтран хэрэгжүүлж буй сэтгэлгээний “Be Strong” реалити шоуны 5 дахь дугаар өнөөдөр оройн 20:30 цагаас ТВ8, Channel11 телевизээр үзэгчдийн хүртээл болно. 

Нэвтрүүлгийн оролцогч гоо сайхны салбарын магнат Б.Цэрэнноров хатагтай энэ удаагийн дугаарт өөрийн дотоод дахь "цөл"-өөс гарч чадах болов уу? Түүний хувьд бага байхдаа ааваасаа авсан сэтгэл зүйн шархаа нээлттэйгээр ярилцаж, аавынхаа талаарх гашуун дурсамжаа хуваалцах болно. 

Магадгүй энэхүү сэтгэлийн шархаар өөрийгөө хурцалж, хүчирхэгжин, басхүү нурж унасан түүний үнэн түүх өнөөдөр дэлгэгдэнэ. 

Энэ удаагийн шинэ дугаарт эрүүл чийрэг биеийг бүтээхийг зорьж буй нэвтрүүлгийн оролцогчдод хоолзүйчээр мэргэшсэн, эмчилгээ, спортын хоол зүйч, Tibi хоол зүйн платформын үүсгэн байгуулагч С.Мөнхтуул зөвлөгөө өгөх болно. Тэрээр Токео болон Парисын олимпын хоолзүйн дэмжих багийн гишүүн, ахлагч, Паралимпын багийн хоолзүйчээр ажиллаж байсан туршлагатай мэргэжлийн хоолзүйч юм. Оролцогчид өөрсдийгөө ялан дийлж эрүүл хооллож чадах болов уу?

Бизнесийн дүрмээр тоглож сайн менежер байж чадах эсэх шоуны дүрэм зөрчиж, багийн ажиллагаанаас хойш татаж, оролцогчдоос хар карт авч, шоуг орхих тэр оролцогч чухам хэн болохыг өнөөдрийн дугаараас мөн хүлээн авч үзээрэй. 

Хязгааргүй сэтгэлгээ, хариуцлага, сахилга батаар өөрийгөө өөрчилсөн цор ганц ялагч “Be strong” шоуны төгсгөлд 100 сая төгрөгийн үнэлгээ бүхий автомашины эзэн болох болно.

Та ч бас тэдэнтэй хамт байж сэтгэлгээний хязгаараа тэлээрэй...