“Танд такси хэрэгтэй юү?”

Гадаадад зургаан жил сурсан дүүгээ тосо­хоор нисэх онгоцны буу­далд очлоо. Олон улсын нислэгээр янз бүрийн ор­ны хүмүүс ирнэ. Ачаа ба­раа, цүнх, чемоданаа түрж гарч ирсэн тэдэн рүү так­сины жолооч нар гүйж очоод өмнө нь хөндөлсөж зогсоод "Такси!, такси!" гэж хэлээд чар­гуу­цал­да­хыг нь харлаа. "Би так­си­ны жолооч. Такси хэрэг­тэй юу. Хүссэн газарт чинь хүргэж өгье" гэж бай­гаа царай нь тэр. Тэгэ­хээр өнөө гадаадынхан чинь шууд толгой сэгсрэх буюу гар цүнхээ урдаа бариад, халаасаа тэмт­рээд тойрч зугтах шахуу юм болж байгаа юм даа. Өлсгөлөн чононууд нэг муу хурга руу шүлэнгэтэн дайрч байгаа мэт тэр жолооч нарын бү­дүүл­гийг хэлээд баршгүй. Мон­голд анх удаа хөл тавьж буй гадны зочид май­жий­сан гуталтай, тос масло үнэр­түүлсэн хиртэй хув­цас­тай тийм жо­лооч на­раар л биднийг төсөөлнө шүү дээ. Зарим жолооч жуулчдын чемо­да­наас нь зуурчихаад "Хүргээд өгье" гэхийг нь хараад өмнөөс нь санаа ч зовох шиг.

Нэгэн танилын минь гадаадаас ирсэн найзыг нь Нисэхээс Зайсан руу хүргэчихээд 80 мянган төгрөг нэхэж айлгасан жолооч хүртэл тэдний дунд байдаг гэсэн.    

Италийн Ромын ни­сэх онгоцны буудлын так­­­­сины жолооч нарын бо­ловсон, соёлтой, цэмц­­гэрийг гадныхан шагш­­даг. Тэд ноолууран пальто, костюм, гя­лалз­тал нь то­солж зүлгэсэн ботинкоор гангарчихдаг болохоор таксины жо­лооч гэж хэн ч хэ­лэ­хээр­гүй, тэгээд ч үйлч­лүүлэгч­дээ сайхан инээм­сэглэж угтана.

Гэтэл "Чингэс хаан" олон улсын нисэх бууд­лын хавиар эргэлдэх так­си­ны жолооч нарын харь­цаа, соёл энэ тэр нь авах юмгүй. Үүнд тус нисэх онгоцны буудлынхан ан­хаа­рал тавьж, таксины жолооч нарыг хийц сай­тай хантааз, малгай сэл­тээр ижилсүүлдэг ч юм уу, гад­ныхантай зөв бо­лов­сон харьцах наад захын соёлыг зааж өгмөөр юм. Гад­ны хүний биед нь бүү хэл ачаа тээшинд нь хүр­тэл зөвшөөрөлгүйгээр хүрч болдоггүйг сануу­лаад ядаж "Do you need taxi?" (Танд такси хэрэг­тэй юү?) гэх өгүүлбэрийг цээжлүүлчихэж болмоор.

Д.ГАНСАРУУЛ