Киноны түүхэнд хамгийн олон хүн аварсан одод
Автор
| Zindaa.mn
2014 оны 06 сарын 05
эднээс хэн нь эхний байрт орсон бол. Ингээд сүүлээс нь эхэлье.
10. Луизиана мужийн Жефферсон Пэриш хотын шерифийн орлогч, жүжигчин Стивен Сигал бол “Б” зэрэглэлийн киноны агуу тулаанч эрсийн нэг. Кинонд тэр байнга гол дүр бүтээж найруулна. Бүх цаг үедээ аварсан хүний тоо: “Отолт”-д хөлгийн багийнхан, Майами хотын иргэд, “Отолт 2”-т галт тэрэгний зорчигчид, “Хамгаалагч”-д хөлсний хүнийхээ охиныг, “Үхлийн цохилт”-д алуурчин Лазерусын Мемфис хот дахь террор ажиллагааг зогсоосон, “Цагийн механизм”-д террорист Алекс Сваны Сан-Франциско дахь цуврал дэлбэрэлтүүдийг зогсоосон, “Эх оронч”-д Монтана хотын иргэд болон төрсөн охины химийн зэвсгээс аварсан.
9. Сильвестр Сталлоне бол цэрэг Жон Рэмбо болон боксер Рокки Бальбоа зэрэг дүрээрээ алдаршсан Холливуудын зоригт эрсийн нэг. Тэр амьдрал дээрээ ч баатар залуу. 2002 онд Лос-Анжелесийн кино театрын цахилгаан шатнаас иргэдийг аварсан билээ. Лифт давхруудын хооронд гацсан бөгөөд Сталлоне люкээр нь орж иргэдийг дээд давхар луу нэг нэгээр гаргажээ. Тус лифтэнд түүний эхнэр Женнифер Флавин болон хөтлөгч Ларри Кинг, жүжигчин Мира Сорвино нар байжээ. Бүх цаг үедээ аварсан хүний тоо: “Рэмбо I–IV”-т тосгоны оршин суугчид, өөрийн дарга, Америкийн олзны цэргүүд, “Өс хонзонгийн сахиусан тэнгэр”-т мафийн толгойлогч Женнифер Баррэтийн охин, “Цагдаа”-д нэгэн жижиг хотын иргэд, “Өдрийн гэгээ”-д усан доорх туннелээс 12 хүн, “Шүүгч Дредд”-д Америкийн терроруудаас нэгэн жижиг хотын иргэдийг, “Сүйтгэгч”-д хэрцгий террорист Саймон Фениксээс ирээдүйн Америкийг мөн “Кобра”-д хөөрхөн бүсгүй Ингридийг тус тус аварсан билээ.
8. Николас Кейж бол кино болгон дээрээ огт өөр өөр дүрд тоглодгоороо алдартай эр. Дурлалын сахиусан тэнгэрээс сүнс, алуурчин хүртэл... Ингэхдээ тэр олон арван хүний амийг аврах үйлсээсээ огт хөндийрөөгүй юм. Бүхэл бүтэн Сан-Франциско хотынхныг химийн атакаас аварсан гавьяатан. Бүх цаг үедээ аварсан хүний тоо: “Сүнс хөлөглөгч” дээр эцгийгээ мөн хүн төрөлхтөнг, “Хад”-д Алькатрас шоронгийн хоригдлууд болон Сан-Франциско хотыг, “Агаарын шорон”-д онгоцны багийнхныг тус тус аварсан.
7. Харрисон Форд бүх дэлхийн хүн ардыг аварсан хоёр дахь Иисус Христос ч гэгддэг. 1973 онд Жорж Лукасын найруулсан “Оддын дайн” гарснаас хойш энэ адал явдалт эрийг дэлхий нийтээрээ мэдэх болсон билээ. Форд амьдрал дээрээ ч аврагч. 2000 онд өөрийн нисдэг тэргээрээ Айдахо ууланд төөрөөд байсан уулчдыг аварсан, дараа жил нь үндэсний паркт төөрсөн 13 настай скаут хүүг олоход цагдаагийнханд ихээр тусалсан. Бүх цаг үедээ аварсан хүний тоо: “Оддын дайн 4”-т босогчид, Эндор гарагийг, “Индиан Жонс”-ын эхний гурван ангид нацистуудаас ард иргэдээ, тосгоны хүн амыг, найз бүсгүйгээ, хамтрагчаа бас хүүгээ, “Галт хана”-нд гэр бүлээ, “Ерөнхийлөгчийн онгоц”-д зорчигчид бүхий онгоц, “Ганновер-стрит”-д тагнуулч эрийг тус тус аварсан.
6. Дензел Вашингтон кино урлагт 20 гаруй жил болохдоо олон баатарлаг эрийн дүрийн бүтээсэн билээ. Галт тэрэгтэй зорчигчдоос эхлээд хүн төрөлхтөнийг хүртэл аварсан ачтан юм. Анхны алдарт хүргэсэн кино нь “Алдар нэр” \1989\. Бүх цаг үедээ аварсан хүний тоо: Цөмийн зэвсгийн дэлбэрэлтээс хүн төрөлхтөнг, Сид 6.7 хэмээх киборгоос хүн төрөлхтөнг, “Отолт”-д Нью-Йоркийн оршин суугчдыг, “Дежавю”-д хэдэн зуун зорчигчдыг, эхнэрээ, “Аюултай зорчигчид”-д метрополитенийн оршин суугчид, “Илайн ном”-д дээрэмчдийн гараас бүсгүйг тус тус аварсан.
5. Курт Рассел бүр зургаан настайгаасаа кинонд тоглож эхэлжээ. Төрөл бүрийн жанрт хувирч тоглож чаддаг. Ихэнхдээ зөгнөлт бүтээлд тоглоно. Хүүхэд байхдаа бейсболоор хичээллэж байсан бол том болсон хойноо ангийн хоббитой болжээ Бүх цаг үедээ аварсан хүний тоо: “Оддын хаалга”-д хөрш гарагийг, “Нью Йоркоос зугатсан нь”-д төрийн тэргүүнийг мөн Америкийг, “Цэрэг”-т Аркады гарагийг, “Устгах тушаал”-д Боинг-747 онгоцны зорчигчдыг, “Тумстоун”-д хотын иргэдийг тус тус аварчээ.
4. Брюс Уиллис Холливуудын хамгийн бужигнуулдаг эрсийн нэг. Тэр солир дээр ч очиж, харгис маньякийг устгаж, дэлхийн дайнд оролцож, ирээдүй рүү аялсан. Брюс ч олон арван хүний амийг аварсан юм. Бүх цаг үедээ аварсан хүний тоо: “Хартын дайн”-д немецийн лагераас 40 хүн, “Сүүлчийн бойскаут”-д охиноо, “Нарны нулимс”-т нигерийн дүрвэгсэд болон Моника Белуччиг, “Хатуу самар 2”-т нисэх буудал, зорчигчтой онгоц, “Хатуу самар 3”-т Нью-Йоркийн иргэд, хотыг, “Хатуу самар 3”-т бүхэл бүтэн хотыг, “Хатуу самар 4”-т Америкийг, охиноо болон найзыг нь, “Тав дахь элемент”-д дэлхийг, “Армагеддон”-д дэлхийг, “12 сармагчин”-д дэлхийн 99 %-ийг тус тус аварчээ.
3. 1967 онд 23-тай бодибилдер Арнольд Шварценеггер “Ертөнцийн мистер” болж байлаа. Харин 1982 анх “Конан-варвар” кинонд тогложээ. Түүнийг дэлхий даяар нэрд гаргасан бүтээл нь. 2003 онд тэр Калифорни мужийн захирагч болсон. 2004 онд Хавайд байхдаа зургаан метрийн гүн усанд живж байгаа хүнийг аварчээ. Бүх цаг үедээ аварсан хүний тоо: “Шар Соня”-д дэлхийг, “Зургаа дахь өдөр”-т хүн төрөлхтөнг, “Сүүлчийн кино баатар”-т Дэнни хүүг, Америкийг, “Конан-варвар”-т ард түмэнг, “Командос”-т охиноо, Өмнөд Америкийн хүн ардыг, “Үнэмшмээр худал зүйл”-д Америкийг мөн Майамиг, “Бүхнийг сана”-д Улаан нүдэн гарагийг, “Терминатор 3”-т хүн төрөлхтөнг, “Терминатор 2”-т бас л хүн төрөлхтөнг аварчээ.
2. Киану Ривзийн гол бүтээл бол “Матрикс” юм. Бүх цаг үедээ аварсан хүний тоо: “Константин”-д хүний төрөлхтөнг, “Матрикс”-д хүн төрөлхтөнг, “Хүрд”-д бөмбөг тавьсан автобусны зорчигчдыг, “Гудамжны хаан”-д Лос-Анжелесийг, “Ажиглагч”-д алуурчин Дэвид Гриффинээс хотын иргэдийг тус тус аварчээ.
1. Уилл Смит бол суперагент, супер тагнуулч, супер баатар юм. “Хар хувцастай хүмүүс” түүнийг кино урлагт уруу татсан. Тэр тив хоорондын дайнд ч оролцсон. Бүх цаг үедээ аварсан хүний тоо: “Би домог”-т дэлхийг, “Тусгаар тогтнолын өдөр”-т ертөнцийг харийнхны дайралтаас, “Хар хувцастай хүмүүс”-т дэлхийг, “Хар хувцастай хүмүүс 2”-т ертөнцийг, “Би робот”-д дэлхийг, “Хэнкок”-т ойролцоогоор 15 хүнийг, “Долоон амьдрал”-д долоон хүнийг, “Зэрлэг зэрлэг баруун”-д Америкийн ерөнхийлөгч, “Муу залуус”-т хотыг тус тус аварсан.
Р.Слава
Сэтгэгдэл ( 0 )