Эзэн нь хараал хүрсэн кино

The Independent сонин Холливудын хараал хүрсэнээс болж жүжигчид нь машины аваарт орсон, золгүй явдал тохиолдсон киног нэрлэжээ…

Оз улсын шидтэн /1939/

Хамгийн анхны хараал хүрсэн киноны нэг. Шулмасын дүрд тоглож байсан Маргарет Хэмильтон нүүр будах өрөөнд гарсан галд золтой л амиа алдаагүй байна. Харин хожим нь энэ кино зохиолоор театрын жүжиг тавьж байхад мөн л золгүй тохиолдол бүртгэгдсэн. Түүнэс хойш хараал хүрсэн гэх уг бүтээлийн шулмасын дүрийг бүтээх хүн олддоггүй байжээ.

Полтергэйст /1982-1988/

Полтергейсттэй холбоотой дөрвөн хүн зургаан жилийн дотор дараалан нас барсан аж. Тэдгээрээс хамгийн анхаарал татсан нь Керол Энний дүрийг бүтээсэн 12 настай Хезер O’Руркийн үхэл юм. Охин ханиад хүрсэн гэх оноштойгоор эмнэлэгт хэвтсэн ч маргааш нь нас баржээ. Тэгвэл Доминик Данн /22/ найзынхаа гарт, Жулиан Бек /60/ ходоодны хорт хавдраар үхсэн. Эмчийн дүрд тоглодог Уилл Сэмпсон /55/ зураг авалт дуусангууд бөөрний дутагдалд орон хорвоог орхижээ.

Хэрээ /1994/

Сургуулийнх нь найзуудын хэлснээр Брэндан Лид өөрийнх нь зөн совин яг эцгийнхээ адил зургийн талбай дээр нас барна гэж хэлдэг байжээ. Зөн таасан бололтой. Тэрээр “Хэрээ” киноны зураг дуусахаас найман өдрийн өмнө нас байрсан юм. Кинон дээр түүний дүр болох Эрик Дрейвен үхэхэд тэрээр бас… Хоосон буу нь яагаад ч юм цэнэгтэй байснаас үүдэн Брюс Лигийн хүү эцгийнхээ араас одсон билээ.

Супермен /1951 түүнээс хойш/

Хараал идсэн “Супермен” дандаа л өөрийн голлох дүрд тоглосон нөхдийг “хороогоод” байдаг юм. Тэдгээрээс хамгийн харамсалтай үхэлд Жорж Ривз, Кристофер Рив нарынх тооцогддог. Жорж Ривз нь 1950-иад онд энэ кинонд тоглож байсан. Хурим болохоос найм хоногийн өмнө түүнийг буудуулан нас барсан байсныг олжээ. Кристофер Рив нь болохоор 1995 онд нэг удаа морьноос унан хүнд гэмтэж байсан. Гэхдээ тэрээр саяханыг болтол амьдарч байгаад 2004 онд зүрхний шигдээсээр таалал төгсчээ. Түүнчлэн энэ кинонд бүхий л цаг үед тоглож байсан Марго Киддер, Марлон Брандо, Ричард Прайору, Кирк Ален, Дина Кейн, Жерри Сигел болон Жо Шустер нар бүгд золгүй үхлээр үхсэн гэдэг.

-“Оз улсын шидтэн” /1939/

-“Полтергейст” (1982-1988)

-“Хэрээ” (1994)

-“Супермен” (1951 оноос)

-“Розмаригийн хүүхдүүд” (1968)

-“Матриц” (1999-2003)

-“Утасны дуудлага-2” (2005)

-“Омен” (1976)

Р.Слава