Сониуч: Билл Гейтсийн Вашингтон дэх харш диваажингийн орон уу?

Нийт 81.5 тэрбум ам.долларын хөрөнгөтэй, “Майкрософт” компанийг үүсгэн байгуулагч Билл Гейтс бол Америкийн хамгийн баян хүн билээ. Ийм баян хүн тансаг харшид амьдрах нь мэдээжийн хэрэг. Гэхдээ түүний тансаг харш бусад баячуудынхтай харьцуулашгүй тэс өөр. "Xanadu 2.0" нэртэй түүний харш 20 км.кв талбайг эзэлдэг гэвэл та итгэх үү? Бүх өрөө, эд хэрэгсэл нь технологийн дэвшлийг ашигласан энэ аварга байгууламжийг хэвлэлүүд диваажингийн орон эсвэл жижиг улс хэмээн нэрлэж байна.  “Сониуч” булан Билл Гейтсийн гайхамшигт харшийн тухай сонирхолтой 10 баримтыг хүргэж байна.

1. Xanadu 2.0 харш 123 сая ам.долларын үнэтэй. Кинг мужийн олон нийтийн татварын хэлстийн газрын мэдээлснээр Билл Гейтсийн харш 123.54 сая ам.долларын үнэтэй гэнэ. Сонирхолтой нь тэрээр үүнийг 1988 онд хоёр сая ам.доллараар худалдан авч байжээ.
2. Байшинг 500 жилийн настай доугласын шилмүүст модоор барьжээ. 300 гаруй хүн барилгын ажилд оролцсон бөгөөд үүний 100 нь технологийн мэргэжилтнүүд байв.
3. Гейтсийн ордон технологийн дэвшилээр дүүрэн. Эдний зочид өрөөний гэрэлтүүлэг болон дулааныг удирдах боломжтой аж. Мөн ханануудын цаана байршуулсан спикерүүд өрөөнөөс өрөө дамжихад хүртэл автоматаар зочдыг даган дугардаг байна.
4. Зөвхөн товч дараад л хананы засал чимэглэлийг сольж болно. Байшингийн хананд 80 мянган ам.долларын үнэтэй компьютерийн дэлгэц байршуулсан бөгөөд хүссэн үедээ өнгө, зургаар ханаа солих боломжтой аж.
5. Нэг км.кв усан сангийн талбайд байрлах 18 метр.кв хэмжээтэй усан сангийн усанд хөгжим тоглуулах систем байдаг гэнэ. Мөн Карибын тэнгисээс авчирсан элсээр дүүргэсэн наран шарлагын томоохон газартай.
6. 700 метр.кв зочны өрөөнд нь 150 хүн оройн хоол идэж, 200 хүн босоо хүлээн авалт хийх боломжтой.  Энэ өрөөнд 6.7 метр.кв хэмжээтэй аварга дэлгэц бий.
7. 24 угаалгын өрөөтэй бөгөөд тэдний 10 нь дотроо ваннтай.  Харин зургаан гал тогоотой бөгөөд нэгийг нь жижиг хэмжээний ресторантай зүйрлэж болно гэжээ.
8. Билл Гейтс зөвхөн зугаа цэнгэлийг байшиндаа зориулаагүй. Тэрээр 600 метр.кв аварга номын сандаа 30 сая ам.доллар зарцуулжээ.
9. Гэрийн театр нь маш тансаг бөгөөд 20 хүний суудалтай байна. Харин гражид нь 23 машин багтдаг.

10. Тэрээр хандивын зорилгоор гэрээр нь аялах дуудлага худалдааг өнгөрсөн жил зохион байгуулсан бөгөөд хүмүүс 35 мянган доллараар түүний гэрт зочилсон байна.

Б.Ариунцэцэг