Дуугаа булаацалдсан дуучдын маргаан үргэлжилсээр

Дуучин Ч.Цэлмүүн, Нэгэн зүгт хамтлагийн дуучин С.Заяа нар дуучин СТА С.Сэрчмаагийн дуулснаар олны чихийг мялааж, сэтгэлд хоногшсон “Шинэ жил ирлээ” хэмээх дууг шинэчилэн дуулсан ч нилээдгүй хэл ам дагуулаад байгаа билээ. Учир нь хөгжмийн зохиолч болон дуучнаас нь ямар нэгэн зөвшөөрөл аваагүй дуулсан хэмээн хайрын дууч шувуухай өөрийн цахим хуудаснаа жиргэсэн. Энэ маргаан үргэлжилсээр Нэгэн зүгт хамтлагийн дуучин С.Заяа зөвшөөрөл авсан гэсэн байр сууриндээрээ баттай зогсож байгаа бол дуучин Ч.Цэлмүүн санал болгосны дагуу дуулсан намайг энэ хэрүүлээсээ салгаад өг гэсэн утга бүхий тайлбарыг өгөөд байгаа. Харин дуучин С.Сэрчмаа, Заяа нар эцсээ хүртэл тэмцэхээр шийдсэн бололтой. Ямартай ч нэг нь хүний дуу дуулчаад уурлах, нөгөө нь өөрийн дуулсан дуугаа харамлах хэрүүл шүүхийн хаалга татах дээрээ тулаад буй юм.

Д.Солонго