Хамтран амьдрагч: Хүн эцэг эхээ сонгож төрдөггүй юм

Жүжигчин Д.Хүрэлхүүгийн дэлгэцийн хоёр дахь уран бүтээл болох “Хамтран амьдрагч” уран сайхны кино нээлтээ хийгээд дөрөвхөн хонож байгаач хамгийн эрэлттэй кино болоод байна. Бодит амьдралаас сэдэвлэсэн уг уран бүтээл үзэгчдийг инээлгэж, уйлуулж чадаж байгаа нь сайн уран бүтээл болсныг илтгэж байгаа.

Киноны ганцхан минутын хэсэг болох МУГЖ Г.Ундармаа болон Цэнгэл нарын “Хүн эцэг эхээ сонгож төрдөггүй юм” гэсэн үзэгдэл олон мянган үзэгчдийг байлдан дагуулсаар байна. Энэ бол тус киноны багахан хэсэг. Хамтран амьдрагч киног үзвэл улам их сэтгэл хөдөлгөсөн, догдлуулсан үйл явдал өрнөдөг.

Тиймээс үзэгч та хүний амьдралын хар цагаан сүүдрийг хослуулан таньд нэгийг бодогдуулах энэ сайхан уран бүтээлийг амжиж үзээсэй хэмээн хүсч байна.

Хошин урлагийн дүрээр үзэгчдийн сэтгэлд хоногшсон жүжигчин Г.Ундармаа энэ удаад амьдралд нухлагдсан эмэгтэйн дүрийг бүтээсэн нь урлагийнхны сэтгэлийг ч хөдөлгөөд амжлаа. 

Д.Солонго