Сурвалжлага: Дэлхийд шуугиан тарьж буй “Марко Поло” Монголд

Италийн аялагч Марко Пологийн Юань гүрнээр аялсан аяллын тэмдэглэл дээр үндэслэн "Netflix" компанийн бүтээсэн 10 ангит киноны шуугиан дэлхий дахинд үргэлжилсээр байгаа. Энэ цаг үед  “Марко Поло” уран сайхны киноны Монгол улс дахь албан ёсны нээлт өчигдөр "Хүннү" кино театрт боллоо. Нээлтэд "Марко Поло" кино зохиолыг бичсэн, Холливудын нэрт кино зохиолч Жон Фуско, найруулагч Дан Минахан, ерөнхий менежер Ричард Шарки, жүжигчин МУСТА Б.Амарсайхан болон Монголын соёл урлаг, бизнес, улс төр, хэвлэл мэдээллийн салбарын нэр хүндтэй зочид урилгаар оролцож улаан хивсэн дээгүүр алхсан юм.

 Холивуудын энэ том бүтээлд монгол улсын жүжигчин Б.Амарсайхан тоглосон нь бидний хувьд бахарлхал юм. Энэ үеэр бид зочдын сэтгэгдэлийг сонслоо. 

Зохиолч Жон Фуско: Монголд ирж монгол ахуйг мэдэрч байлаа

Киногоо хийхийн тулд найман жилийн өмнө 13 настай хүүтэйгээ Монголд ирж анх удаа морь унаж, монгол ахуйг мэдэрч байлаа.  Марко Пологийн эхний хэсэгт Хубилай хааны тухай ихэвчлэн харуулсан бол хоёрдугаар цувралд илүү өргөн хүрээтэй тодорхой зүйлүүдийг харуулах  болно.  

СТА Б.Амарсайхан: Дэлхий биднийг сонирхоод эхэлчихлээ

Монголын жүжигчид монголын уран бүтээлчид аль ч киноны уран бүтээлчдээс уран чадварын хувьд дутах зүйлгүй. Бидэнд хэлний бэрхшээл байна. Хоёрдугаарт яагаад монголд ирж зураг авдаггүй юм бэ. Монголын тухай кино ш дээ гэж хүмүүс ярьдаг. Гэтэл манайд киноны дэд бүтэц кино үйлдвэр байдаггүй. Дэлхий бид нарыг сонирхоод эхэлчихлээ. Уул уурхай бусад бизнесээс илүү кино урлаг ямар хүчтэй ашигтай бизнес болохыг бид нар харж байна шүү дээ. 

Зохиолч Д.Төрмөнх: Манай кино урлагт дэд бүтэц шаардлагатай

Дэлхийн кино урлагийн зарим томоохон төлөөлөл монголд ирж байсан.   Тэд нар танайд дэд бүтэц байхгүй шүү дээ гэж хэлдэг юм билээ. Энэ нь ч үнэн.

Энэ үдэш болсон улаан хивсний ёслолыг гадныхан шиг зохион байгуулахыг зорьсон гэж зохион байгуулагчид хэлж байлаа. Харин улаан хивсний ёслолын дараа үзэгчид киноны нэг хоёрдугаар ангийг үзэж сонирхсон юм.  Жүжигчин Б.Амарсайханы тухай  уг кинонд хоёр удаа харьт гараад өнгөрдөг гэсэн ташаа мэдээлэл гарч байсан ч үүнд хариулт өгч чадсан.  Тухайлбал түүнийг таваас зургаан үзэгдэлд маш чадварлагаар тоглосон болохыг эхний хоёр ангиас харж болхоор байсан юм. Мөн энэхүү хоёр ангид Хубилай хааны үеийн монгол улсын амьдралын олон зүйлийг харуулахыг зорьжээ.

Ийнхүү монгол жүжигчдийн ур чадвар дэлхийд гайхагдаж дэлхийд гарах эхлэл тавигдаж байгаа бол монгол бүтээл монгол зохиолч гэсэн олон улсад гарах боломж ч мөн байгаа юм. Харин үүнд бодлого төрийн дэмжлэг хэрэгтэй гэдгийг манай уран бүтээлчид энэ үеэр хэлж байлаа.  

А.Алтаа