МУГЖ Г.Ариунбаатарт Буриад Улсын гавьяат жүжигчин цол олгожээ

Саяхан ОХУ-ын нийслэл Москва хотноо болж өнгөрсөннэрт хөгжмийн зохиолч П.И.Чайкавскийн нэрэмжит олон улсын хөгжмийн их наадамд Монгол Улсын иргэн, МУГЖ Г.Ариунбаатар амжилттай оролцож “Гран-При” шагнал хүртсэн билээ. ОХУ-ын Ерөнхийлөгч Владимир Путин тэргүүтэй хүмүүсийг бишрүүлсэн МУГЖ Г.Ариунбаатар ОХУ-ын харьяаны Буриад Улсын нийслэл Улаан-Үд хотын Дуурь бүжгийн эрдмийн театрын гоцлол дуучнаар ажилладаг бөгөөд түүнд Буриад Улсын гавьяат жүжигчин цол олгохыг МУГЖ Г.Ариунбаатарын багш, Улаан-Үдийн хотын Дуурь бүжгийн эрдмийн театрын концертмастер, ОХУ-ын Ардын жүжигчин Дарима Лонховойн тэргүүтэй уран бүтээлчид Буриадын Соёлын яаманд тавьснаар МУГЖ Г.Ариунбаатар Буриад Улсын гавьяат жүжигчин цол авч БУГЖ хэмээх шинэ тодотголтой боллоо. П.И.Чайкавскийн нэрэмжит тэмцээнд Улаан-Үдийн хотын Дуурь бүжгийн эрдмийн театрыг дан гац МУГЖ Г.Ариунбаатар төлөөлөөгүй бөгөөд уг театрын хөгжимчин Дмитрий Маслеев мөн оролцож шилдгүүдийн оролцогчийн нэгээр шалгарсан юм. Тиймээс МУГЖ Ариунбаатар,  Д.Маслеев нарт нэгэн зэрэг БУГЖ цол олгосон байна.