Монголын циркчид “Мөнгөн арслан” хүртлээ
Хоёр жил тутамд зохион байгуулагддаг олон улсын циркчдийн “А” зэрэглэлийн тэмцээнээс манай жүжигчид “Мөнгөн арслан” цом хүртжээ. Дээрх амжилтын эздээр Монголын үндэсний циркийн Э.Золбаяр ахлагчтай хамтлагийнхан тодорсон байна. Шидэх банзнаас үсрэх, шидэлттэй акробат зэрэг үзүүлбэр үзүүлдэг эдгээр жүжигчдийг гадаад дотоодын үзэгчид “Есөн өрлөг” гэдгээр сайн мэддэг болоод буй билээ. Энэ удаа тэд “Х –volution” үзүүлбэрээр тэмцээнд оролцсон байна. Тэмцээний шагналтнуудын тоглолт энэ сарын 7-ныг хүртэл БНХАУ-ын Учао хотноо үргэлжлэх юм.
Монголын жүжигчид өмнө нь ихэвчлэн уран нугаралтын үзүүлбэрээр амжилттай оролцдог байсан бол энэ удаа залуу жүжигчид ийнхүү акробатын үзүүлбэрээр дэлхийд тэргүүлж буй Хятадын жүжигчдийг ардаа орхиж чаджээ.
Холбоотой мэдээ
Сэтгэгдэл ( 0 )