WSJ: Ослоос хойш Boeing нэг ч онгоц худалдаагүй

Энэ оны гуравдугаар сард буюу Этиоп улсад MAX 8 онгоц осолдсоноос хойш Boeing компани 737 загварын онгоц худалдан авах ганц ч гэрээ байгуулаагүй байна.

The Wall Street Journal сонинд бичсэнээр, 737 загварын онгоц тус компанийн нэрийн хуудас болсон хамгийн борлуулалт сайтай бүтээгдэхүүн байсан. Ийнхүү сүүлийн долоон жилд анх удаа Boeing компани энэ загварын ганц ч онгоц борлуулж чадаагүй тохиолдол болж  байна.

Хэвлэл мэдээллийн хэрэгслээр гарч буй онгоцны ослын талаарх мэдээлэл найдвартай худалдан авагчдын итгэлийг улам бүр сулруулж байна гэж шинжээчид үзэж байна.

Саяхан Индонезийн агаарын тээврийн компани гэхэд Boeing 737 MAX 8 загварын 50 орчим онгоц худалдан авах гэрээгээ цуцалсан байна.