Баян-Өлгийн тахалд саатсан орос жуулчид гомдол гаргав

2019 оны 05 сарын 02

Баян-Өлгий аймагт тарваган тахал өвчин гарч, хоёр хүн амиа алдсан билээ. Тиймээс тус аймагт хорио цээрийн дэглэм тогтоогоод байна.

Хорионы улмаас Өлгий хотод саатсан ОХУ-ын Новосибирск хотын жуулчид гомдол гаргажээ. Елена К. хэмээх жуулчин эмэгтэй “Мэдээлэл тун бага байна. Дөрөвдүгээр сарын 30-нд бид Ташаантын боомтоор хил нэвтрэхдээ ямар нэг хорио цээр байгаа юу гэж асуухад зүгээр гэж хариулсан. Тэгээд Өлгийд иртэл тахлаар хүн нас барсан гээд хотоос гаргасангүй. Монголд жил бүр л тахал гардаг. Тахлын голомт нь хилийн ойролцоо бололтой” гэж мэдээлжээ.

ОХУ-ын Алтай БНУ-ын хилийн албанаас мэдээлснээр ОХУ, Монголын хил баярын улмаас хаалттай байгаа гэнэ. Өлгийд гацсан орос жуулчид ЭСЯ-ндаа хандаж, тусламж хүссэн байна.

Сэтгэгдэл ( 0 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Top