АТГ-аас ямар хэргүүдийг шүүхэд шилжүүлсэн бэ?

2019 оны 05 сарын 24

Авлигатай тэмцэх газраас энэ оны тавдугаар сард дараах хэргүүдийг шүүхэд шилжүүлж ажилласан талаар өнөөдөр /2019.05.24/ мэдээллээ.
 

  • Эрүүл мэндийн яамны өндөр албан тушаалтнаар 2016-2017 онд ажиллаж байсан О нь ажил гүйцэтгүүлсэн нэр бүхий хуулийн этгээдүүдтэй хувийн харилцаа үүсгэж, өөртөө болон бусдад давуу байдал бий болгосон гэх эрүүгийн хэргийг;
     
  • Нийслэлийн хот төлөвлөлт, ерөнхий төлөвлөгөөний газрын хэлтсийн даргаар ажиллаж байсан Э нь “Барилгын ажлын зөвшөөрлийн гэрчилгээ”-г гаргахдаа албаны чиг үүргээ хэрэгжүүлснийхээ хариуд 20 сая төгрөгийн хахууль авсан гэх эрүүгийн хэргийг;
     
  • Хан-Уул дүүргийн Нийгмийн даатгалын хэлтсийн даргаар ажиллаж байсан С нэр бүхий иргэдэд Нийгмийн даатгалын сангаас тэтгэвэр, тэтгэмж олгохдоо үндэслэлгүйгээр илүү тогтоож, хээл хахууль, шан харамж авсан, өгсөн гэх хэргийг;
     
  • Баянзүрх дүүргийн харъяа болон харъяаллын бус, мөн насанд хүрээгүй хүүхдүүдийг цэцэрлэгтээ авахгүй гэж хясан боогдуулж бусдаас хахууль авсан  Боловсрол, соёл, шинжлэх ухааны яамны харьяа дугаар цэцэрлэгийн удирдах албан тушаалтанд холбогдох хэргийг;
     
  • Төрийн банкинд ажиллаж байсан удирдах албан  тушаалтнууд 4.7 тэрбум төгрөгийн зээл гаргахдаа  хахууль өгөгчийн ашиг сонирхлын үүднээс хийх ёстой үйлдлээ хийсний хариуд 98.000 ам.доллар хахуульд авсан хэргүүдийг шүүхэд шилжүүлэх саналтай шилжүүлээд байна.  

Эх сурвалж: АТГ

 

Сэтгэгдэл ( 3 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
irgen (103.242.46.163)  2019 оны 05 сарын 25

JDUchdee horioch

0  |  0
Jjjjjjjj (176.187.190.87)  2019 оны 05 сарын 25

Shuuh ni shiidehgui gii min jujig shuu.ardiig ingeed huuraad bgaa yum da borchuudiig bol dor ni....

0  |  0
Sagsaidaad baigaarai (98.113.248.233)  2019 оны 05 сарын 24

Jijig jaraahainuudiig dor ni shiideed bna! Tom herguudee tsegtsleech ee! Saihanbalagiig yah geed bna?

0  |  0
Top