Хорихоос оргосон этгээд ГУРВАН УДААГИЙН ял шийтгэлтэй байжээ

2019 оны 06 сарын 20

ШШГЕГ-ын цагдан хорин 461-р ангиас өчигдөр /2019.06.19/ 19.00 цагийн үед сэжигтэн оргосон талаар өмнө нь мэдээлсэн. Тухайн этгээд нь С.Төмөр гэгч байсан бөгөөд Эрүүгийн хуулийн тусгай ангийн 12.1 дүгээр зүйлийн дөрөв дэх хэсэгт заасан гэмт хэрэгт холбогдон, өнгөрсөн сарын 03-ны өдрөөс яллагдагчаар татагдан хоригдож байсан гэдгийг ШШГЕГ-аас мэдээллээ.

Тухайн этгээдийг эрэн хайх ажиллагааг Шүүхийн шийдвэр гүйцэтгэх байгууллага Цагдаагийн байгууллагуудтай хамтран зохион байгуулж байна.

Оргосон шалтгаан нөхцөлийг тодруулахаар тус ангид албаны дотоод шалгалт явуулж эхэлжээ. Мөн түүнийг олж баривчилсны дараа Цагдаагийн байгууллагаас эрүүгийн хэрэг үүсгэн шалгах юм байна.

С.Төмөр нь Сэлэнгэ аймгийн Зүүнбүрэн сумын харьяат, бүрэн дунд боловсролтой, 25 настай ба өмнө нь гурван удаагийн ял шийтгэл авч байжээ.

Сэтгэгдэл ( 2 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Tseveen (24.18.240.3)  2019 оны 06 сарын 20

Zurag!!! Ta nart neg l uimiig heldeg zuragiini tavia gej.

0  |  0
Tseveen (24.18.240.3)  2019 оны 06 сарын 20

Zurag!!! Ta nart neg l uimiig heldeg zuragiini tavia gej.

0  |  0
Top