Үндэсний их баяр наадмын соёл, урлагийн хөтөлбөр шинэчлэгджээ
Манай орныг зорин ирэх жуулчдын тоо жилээс жилд нэмэгдэж байгаа бөгөөд энэ жил зөвхөн долоодугаар сард л гэхэд 100 мянган жуулчин ирнэ гэсэн таамаглал байгаа аж. Жил бүрийн долоодугаар сарын гол үйл ажиллагаа болох Монгол түмний их баяр наадмыг үзэж сонирхохоор зорин ирдэг жуулчдад наадмын билетийн хүртээмж хангалттай биш байдаг.
Тиймээс энэ жил Байгаль орчин, аялал жуулчлалын яам, Нийслэлийн Аялал жуулчлалын газар, Аялал жуулчлалын хөгжлийн төв ТӨҮГ хамтран зөвхөн жуулчдад зориулсан “Naadam Night” үйл ажиллагааг анх удаа зохион байгуулах гэж байна. Энэхүү үйл ажиллагаа нь Монгол түмний наадмын нээлтийг англи хэл дээр одот тэнгэрийн дор үзэх боломжийг жуулчдад олгож байгаа бөгөөд Монголчуудын ёс заншил, соёлыг мэдрүүлсэн өвөрмөц үйл ажиллагаа байж чадна гэдгийг зохион байгуулагчид онцолж байгаа гэнэ.
“Naadam Night” үйл ажиллагааны үеэр Монгол үндэстний ахуй соёл, өв уламжлалыг харуулсан үзвэр, үйлчилгээнүүд, жуулчдад зориулсан хөгжөөнт тоглоомууд зэрэг сонирхолтой хөтөлбөрүүд болон амьд хөгжмийн тоглолтууд зохион байгуулна.
Холбоотой мэдээ
Сэтгэгдэл ( 0 )