Нигерийн иргэдийг шүүх хурал үргэлжилж байна

ЦЕГ-ын Хар тамхитай тэмцэх албанаас өнгөрсөн нэгдүгээр сарын 28-ны өдөр Нигерийн иргэдийг баривчлан, эд мөрийн баримтаар 500 орчим сая төгрөгөөр үнэлэгдэх мансууруулах бодис хураан авсан билээ.

Улмаар гэмт этгээдүүдэд прокуророос Эрүүгийн хуулийн 18.5-3 дахь хэсгийн “Улсын хилээр мансууруулах эм, сэтгэцэд нөлөөт бодисыг хууль бусаар нэвтрүүлсэн”, 20.7-2 дахь хэсэгт заасан “Мансууруулах эм, сэтгэцэд нөлөөт бодисыг худалдах зорилгоор хууль бусаар олж авч, хадгалсан, тээвэрлэсэн, борлуулсан” гэх үндэслэлээр яллах дүгнэлт үйлдэж хэргийг шүүхэд шилжүүлсэн. Энэхүү хэргийг шүүх хурал өнөөдөр Чингэлтэй дүүргийн Эрүүгийн хэргийн анхан шатны шүүхэд болж байна. Уг шүүх хуралд Нигерийн иргэн Дон, Азеез болон Монгол Улсын иргэн н.Ариунзул нар Н.Мандах, Э.Нарангарав, Н.Нарантуяа, н.Сүхээ нарын өмгөөлөгчдийн хамтаар оролцож байна. Хурал үргэлжилж байна.