ОРХОН: Тэтгэвэрт гарах төрийн албан хаагчдад буцалтгүй тусламж олгоно
.jpg)
Орхон аймагт болсон “Монгол Улсын төрийн албаны менежментийн хөгжил” форумын үеэр Монгол Улсын Төрийн албаны зөвлөлийн дарга Б.Баатарзориг төрийн албаны шинэчлэлийн хүрээнд хийгдэж буй өөрчлөлт, шинэчлэлтийн талаар мэдээлэл хийсэн билээ.
Тухайлбал, төрийн албан хаагчид өндөр насны тэтгэвэрт гарахдаа үндсэн цалингийнхаа 36 сарын цалинтай тэнцэхүйц буцалтгүй тусламжийг нэг удаа олгох талаар танилцууллаа.
Үүнийг Засгийн газрын 2019 оны 1 дүгээр сарын 09-ний өдөр баталсан 07 дугаар тогтоол буюу “Төрийн албан хаагчид өндөр насны тэтгэвэрт гарахад нэг удаагийн буцалтгүй тусламж олгох журам”-ыг үндэслэн олгох юм. Тус журмын дагуу нэг удаагийн буцалтгүй тусламжийг төрийн үйлчилгээний бүх албан хаагч буюу эмч, багш нарт ч олгоно. Журам ирэх оны нэгдүгээр сарын нэгнээс хэрэгжинэ.
Мөн Засгийн газрын 2018 оны 12 дугаар сарын 19-ний өдрийн 382 дугаар тогтоолын дагуу төрийн захиргааны болон үйлчилгээний алба хаагчдад төрийн алба хаасан хугацааны нэмэгдэл олгоно.
Үүнд 6-10 жилд 5 хувь, 11-15 жилд 10 хувь, 16-20 жилд 15 хувь, 21-25 жилд 20 хувь, 26 ба түүнээс дээш 25 хувийн нэмэгдэл олгоно. Уг журам ирэх оны нэгдүгээр сарын нэгнээс хэрэгжинэ.
Дашрамд дурдахад, Орхон аймагт 4000 гаруй төрийн албан хаагчид ажилладаг юм.
Орхон аймгийн ЗДТГ
Холбоотой мэдээ
Сэтгэгдэл ( 2 )
Татвар төлөгчдийн мөнгийг ч баруун солгойгүй цацах юм даа.
bolioosoi novshnuud tsereg tsagdaagaa l ter 36 sariin tetgemj ogno biz busad ni 24 sar baihad bolno tiim biz de