Ш.Сэдбазар зодог тайлна

Монголын сагсан бөмбөгийн спортын нэгэн цагийн өнгийг тодорхойлж, үндэсний лигийн тэмцээнд 20 илүү жил тоглосон ОУХМ Ш.Сэдбазар албан ёсоор зодог тайлах гэж байна. Энэ сарын 22-ны өдөр эхлэх Монголын дээд лигийн нээлтийн ёслолын үеэр тэрбээр зодог тайлж, дугаарыг нь мөнхлөхөөр болжээ. Лигийн тэмцээнд тоглосон 20 илүү жилдээ найм дугаарыг зүүж байсан юм.

Ш.Сэдбазар 2010-2011 оны Үндэсний дээд лигийн улиралд нэгэн цагийн өрсөлдөгч гэгдэх Г.Ихбаяр, “Данди” буюу Д.Бат-Эрдэнэ нарын хамт Олон улсын хэмжээний мастер цолоор шагнуулж байсан юм.