Тоттенхэм Хотспур ерөнхий менежерээ халлаа

Английн Тоттенхэм Хотспур клуб ерөнхий менежер Маурисио Почеттиног ажлаас нь халж байгаагаа зарлалаа. Португал мэргэжилтэн тус клубт таван жилийг үдэхдээ клбуийн түүхэнд анх удаагаа аваргуудын лигийн шигшээ тоглолтод хүргэсэн ч дэлдэн чихт цомыг өргөж чадаагүй юм.

Ихэнх мэргэжилтнүүд Тоттенхэм Хотспур клубээс энэ улиралд их зүйлийг хүлээж байсан ч тоглолт нь орон гаран байж одоо лигийн хүснэгтийн 14 дүгээрт бичигдэж байгаа юм. Сүүлийн таван тоглолтын гуравт нь тэнцэж, хоёрт нь хожигдсон гэх тааруу үзүүлэлт энэ клубийг дагаж байгаа. Хамгийн сүүлд лигийн 12 дахь тойргийн тоглолтод Шеффилд Юнайтед клубтэй 1:1 онооны харьцаагаар тэнцсэн нь шүүмжлэгчдийг улам дэврээж орхисон билээ.

Тоттенхэм клуб шинэ менежерээ томилтол туслах менежер Хесус Перез түр орлон гүйцэтгэнэ. Одоогоор Маурисио Почеттиногийн оронд Жозе Муриньо болон Карло Анчелотти нар ирнэ гэж спортын хэвлэлүүд мэдээлж байна.