“Оюу толгой”-н далд уурхайд энэ жил 1.3 тэрбум ам.доллар зарцуулна

“Оюу толгой” төслийн голлох хөрөнгө оруулагчийн нэг “Туркойз Хилл Ресурс” компани энэ жил Монгол Улсад хэрэгжүүлж буй “Оюу толгой” төслийн далд уурхайн бүтээн байгуулалтад 1.2-1.3 тэрбум ам.доллар зарцуулна гэж мэдэгдлээ.

Хөрөнгө оруулагчдын зүгээс далд уурхайн анхны олборлолт эхлэх хугацааг хойшлуулахаар болсон байна. Харин энэ оны эхний хагас жилдээ багтаж уурхайн загварыг төлөвлөгөөний дагуу гаргах юм. Оны хоёрдугаар хагаст далд уурхайн ТЭЗҮ-ийг эцэслэн шинэчлэхээр төлөвлөжээ.

“Оюу толгой” төсөл бүхэлдээ энэ онд 140-170 мянган унц зэс, 120-150 мянган унц алт бүхий баяжмал боловсруулахаар төлөвлөж байна. Өнгөрсөн онд буурсан баяжмал дахь алтны агуулга буурах ч зэсийн агуулга өсөх төлөвтэй байгаа аж.