Брэд Питт Австралийн телевизийн одод дурлажээ

56 настай жүжигчин Брэд Питт Австралийн телевизийн хөтлөгч, 33 настай Рене Баргт дурлажээ. Брэд Питтийн ойрын хүрээнийхэн түүнийг сэтгүүлч бүсгүйтэй романтик харилцаа үүсгэхийг хүсэж байгаа гэцгээх болсон гэнэ.

Брэд, Рене нар хамгийн сүүлд “SAG Awards”-ын үеэр уулзсан байна. Сэтгүүлч бүсгүй түүнээс ярилцлага авахад Брэд хөнгөн хошигнож, нүд ирмэн, ярилцахад таатай мэдрэмж төрж байгаагаа илэрхийлж байжээ. Брэдийн фэнүүд нь түүнийг сэтгүүлч бүсгүйд ухаангүй дурласан гэцгээх болжээ. Жүжигчин эр ёслолын дараа Ренег Лос-Анжелест дахин хэзээ ирэхийг сонирхож байснаас нь харахад бүсгүйтэй болзох хүсэлтэй байгаа нь илт байсан гэнэ.

Брэдийн ойрын хүрээнийхэн “Тэр урьд нь улаан хивсний ёслол дээр хэнтэй ч Ренетэй харьцсан шиг дотно харьцаж байгаагүй” гэжээ.

Австралийн сэтгүүлч бүсгүйн найзууд нь “Рене Брэдтэй их адилхан. Тэр ухаантай, үзэсгэлэнтэй, хүчтэй бүсгүй” гэсэн байна. Сэтгүүлч бүсгүйг өмнө нь Том Крузтэй холбоход тэрбээр “Би Холливудын ододтой цэвэр ажил хэргийн харилцаатай” гэж байжээ.

Брэд Питт Анжелина Жолигоос салсныхаа дараа хамтран ажилласан хэд хэдэн бүсгүйтэйгээ нэр холбогдсон ч тэдгээр харилцаа нь удаан үргэлжлээгүй юм. Тэрбээр одоо уран бүтээлдээ болон хүүхдүүддээ илүү их анхаарал хандуулах болжээ.