Тэнгэрийн оронд одсон агуу Марадонагийн АМЬДРАЛЫН ДҮРЭМ

2020 оны 11 сарын 26

Дэлхийн хөлбөмбөгийн домог Диего Армандо Марадона ертөнцийн мөнх бусыг үзүүллээ. Хөлбөмбөгийн ертөнцөд түүн шиг авьяаслаг, ур чадвартай ч өвөрмөц, шуугиант од байгаагүй, цаашдаа ч гарахгүй.

Ингээд агуу тамирчнаа дурсан, түүний амьдралын дүрэм, зарчимтай танилцъя.
 


• Бурхан намайг авьяаслаг болгон төрүүлсэн. Тийм болохоор би талбайд гарахдаа загалмайлдаг.

• Манай улсад улстөрчид баяжаад жирийн иргэд юу ч олдоггүй. Намайг улс төрд ор гэж олон хүн ятгасан. Би татгалзсан. Яагаад гэвэл би хулгайч биш.

• Ээж минь намайг шилдэг гэж үздэг. Харин би хэзээ ч ээжтэйгээ зөрдөггүй зуршилтай.

• Анх удаагаа хар тамхи хэрэглээд чи өдөр болгон үүнтэй тэмцэх боллоо гэдгээ хурдан ойлгоно. Хар тамхи яг л дэлхийн аварга болсон юм шиг л сэтгэл хөдөлгөдөг. Тэгээд л өнөөдөр аварга байхад маргааш надад ямар хамаа байх билээ гэж бодож эхэлнэ.

• Хар тамхинаас болж би охидоо хэрхэн том болж байгааг анзаараагүй. Үүндээ би маш их харамсдаг.
 


• Миний хууль ёсны хүүхдүүд бол  Дальма, Жанина. Бусад нь миний мөнгө хөрөнгө, алдааны бүтээгдэхүүн. Надад хүү байгаа. Шүүхээс намайг түүнд тэтгэвэр төлүүлж болно. Гэхдээ түүнийг хайрлуулж чадахгүй.

• Охиддоо би шүтээн нь. Энэ л надад хангалттай.

• Миний охидын нөхөр, найз залуучууд тэднийг ганц удаа ч гэсэн уйлуулах юм бол ямар нэг азгүй явдалтай учрах болно.
 


• Гэр бүлийнхээ нэр хүндийг хамгаалах хэрэг гарахад би маш муу хүн болон хувирч чадна. Бен Ладен шиг ч болно.

• Марадона бол баяр баясгалан үйлдвэрлэгч машин биш гэдгийг хүмүүс хэзээ ойлгох бол?

• Би эхнэрээ хэзээ ч араар нь тавьж байгаагүй. Түүнийг хуурсан байлаа ч гэсэн би хэзээ ч тэрийгээ хүлээн зөвшөөрөхгүй.

• Энэ дэлхийд ижил хүйстэн залуучууд байдаг нь сайн хэрэг. Тэдний ачаар бидэнд сайхан хүүхэн их оногдож байна.
 


• Жулия Робертс дэлхийн хамгийн сайхан бүсгүй.

• Пеле илүү юу, Марадона шилдэг үү гэж маргах хэрэг огт байхгүй. Бүгд намайг илүү гэж хэлнэ.

• Сэтгэл мэдрэлийн эмнэлэгт хэвтэж байхад минь тэнд өөрийгөө Наполеон, Сан Мартин гэж үздэг өвчтөнүүд байлаа. Харин хэн ч намайг Марадона гэдэгт итгээгүй.
 


• Хөлбөмбөг бол баяр баясгалан авчирдаг тоглоом. Хөлбөмбөгчид талбай дээр стресстэх ёсгүй. Хамаг амьдралаа ажлын ширээний цаана өнгөрөөдөг улсуудад л стресс зориулагдсан юм.

• Би байсан бүх юмаа үрсэн. Одоо гэр бүлийн тайван амьдралаар амьдармаар байна.

• Өөрөө өөртөө тусалдаг хүнд л Бурхан тусалдаг.

• Давид Бэкхем шиг хэдэн зуун хүүхэд Ази, Африкийн гудамжинд тоос шороон дунд тоглож байгааг хүмүүс огт гадарладаггүй.
 


• Миний эд эс бүр аргентин. Би Аргентиндаа үхэхийг хүсдэг.

• Намайг шүүмжилдэг бүх хүн эрт орой хэзээ нэгэн цагт хэлсэн үгээ буцаан идэхэд хүрнэ.

• Улстөрчдөөс ялгаатай тал минь би нэр хүндтэй хүн.

• Бөмбөгийг бохирдуулахаас бүү ай.

• Аргентин бол би.
 


• Хойд насандаа би дахин Диего Армандо Марадона болон төрнө. Би хүмүүст аз жаргал бэлэглэдэг хөлбөмбөгч.

• Улстөрчид сонгуульд мөнгөөр ялдаг бол Фидель Кастро винтов буугаар ялсан. Яагаад гэвэл тэр жинхэнэ эр хүн. Би Кубад хайртай.

• Тиймээ, би Ромын Папын эсрэг үг хэлсэн. Яагаад гэвэл Ватиканд очоод миний харсан зүйл бол алтан дээвэртэй сүм хийд байлаа. Харин Пап лам ядуу хүүхдүүдийн төлөө зовж байна гэж хэлэхийг сонсоод “Тийм л юм бол дээврээ зараад хүүхдүүдэд тусал л даа” гэж бодсон. Ватикан бол худал хуурмагийн ертөнц.

• Охин минь “Аав аа, та яагаад одоо бичлэг дээрх шигээ хөлбөмбөг тоглодоггүй байгаа юм бэ” гэж асуухыг сонсоод хөлөө тайруулсан мэт л болж билээ.

• Ямар ч агуу дасгалжуулагч байсан ирээд л явдаг. Жинхэнэ ялагчид бол тоглогчид шүү.

• Шигшээ багийн дасгалжуулагчаар дахин ажиллахын тулд би өрөөсөн гараа ч өгөхөд бэлэн байна. Амь насаа ч өгсөн яах вэ. Би Германаас хариугаа авмаар байна.

• Пелед би музейдээ эргэн ор гэж хэлмээр байна.
 


• Пеле олон тоглогчийг гэмтээж байсан хүн. Харин Франц Беккенбауэр бол өрсөлдөгчийнхөө нурууг тохойлдох боломж болгоныг ашигладаг байсан хөлбөмбөгч.

• Мишель Платини надад “Таныг хэзээ ч муулж байгаагүй. Сонин дээр гарсан зүйл худлаа” гэсэн захиа бичсэн. Тийм болохоор би Платиниг доромжилж байсандаа хүлцэл өчсөн. Харин би Пелегээс уучлал хэзээ ч гуйхгүй.

• Зорилгодоо хүрэхийн тулд би их хөдөлмөрлөсөн. Үүнд итгэхгүй хүн байвал миний өгзгийг үнсээрэй.

• Аргентины шигшээ багийн өмсгөлийг өмссөн цагаас хойш тэр өмсгөл миний арьс болон хувирсан. Үхэх хүртэл тийм л байх болно.

• Би хар юм уу, цагаан байж чадна. Харин саарал болж хэзээ ч чадахгүй.

Сэтгэгдэл ( 12 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Мара(64.119.17.253) 2020 оны 11 сарын 29

Мара нас барахад хүүхэд нас алга болчих шиг санагдлаа. Хүүхэд насны дурсамж

1  |  0
Бат(66.181.186.107) 2020 оны 11 сарын 29

Манй тв хэн хөл хорионы энэ үед домогт Марадона гийн тухай нэвтрүүлэг хийгээч ээ, ямар мэдрэмжгүй арчаагүй юм, дэлхийн спортын сувгууд энэ хүний тухай бичиж бна., МХХ байгаа юу., өнөө тоймч коммендатор Балжинням энн хүний тухай яриач ээ

5  |  0
(202.21.114.139) 2020 оны 11 сарын 29

миний үеийнхэн хөлбөмбөгийг пеле, марадона гэж л өссөндөө

2  |  0
Huch(202.55.188.36) 2020 оны 11 сарын 28

Domogt Maradona dahin davtagdashgui gaihaltai 1986 onii Delhiin avargiig tod sanaj baina.

1  |  0
АГУУ (139.5.218.90) 2020 оны 11 сарын 26

АГУУ ОД

0  |  0
Jav(202.21.108.45) 2020 оны 11 сарын 26

Tuunii tuhai duu hurtel zohiogdson. Ter bol shuteen, hundetgel!

0  |  0
Од(202.179.25.144) 2020 оны 11 сарын 26

Домогт од агуу хөлбөмбөгчин Марадона дэлхийд дурсагдана.

0  |  0
Домог(139.5.218.90) 2020 оны 11 сарын 27

Домог шүү дээ домог

3  |  0
Tsetse(103.212.119.162) 2020 оны 11 сарын 01

Emegtei huuhed bj ah nariigaa dagaj holbombog uzseer bgaad bur ene sportoor ovchilson shuu Diego Maradona haana bna tuuntei bombog ni hamt bdag bsan estoi l esreg bagiihnaa bugdiig ni bujignuuldag argagui holbombog togloh l gej torson hun

0  |  0
(64.119.27.131) 2020 оны 10 сарын 31

gaixamshigtai tsetsen mergen ugtei uxaalag xun baina

0  |  0
Пеле(202.179.27.22) 2020 оны 11 сарын 28

Пеле хөлбөмбөгчин байсан бол Марадона агуу хөлбөмбөгчин байсан. Марадона Пелег 100 дахин илшүрхэнэ. Марадонагийн хууралтанд Пеле хамраараа газар шааж унах байсан хэрвээ хэрвээ хэрвээ тэд тоглох боломж олдсон бол шүү дээ

0  |  2
irgen(31.165.231.3) 2020 оны 10 сарын 30

60 tai 80 tai hoer od baina daa

0  |  0
Top