Малдаа яваад сураггүй болсон охиныг эрэн хайж байна

Өчигдөр буюу зургаадугаар сарын 6-ны өдөр Хөвсгөл аймагт 10 настай охин сураггүй болсон тухай дуудлага Онцгой байдлын газарт иржээ.

Уг дуудлагын дагуу Хөвсгөл аймгийн онцгой байдлын газраас эрэн хайх ажиллагаа зохион байгуулж байна. Охин тус өдрийн өглөө малдаа явахаар гараад одоог хүртэл сураггүй байгаа ба эрлийн ажиллагаанд Арбулаг сумын иргэд, охины ар гэрийнхэн хамтран оролцож байгаа аж.