Алга болсон эмэгтэй уулнаас могойнд хазуулсан байдалтай олджээ

Австралийн цаст ууланд алга болоод байсан Ловиса Шоберг гэгч эмэгтэйг зургаан хоног эрэн хайх ажиллагаа явуулсны дүнд могойд хатгуулж, шингэнээ алдаж, шагай нь мултарсан байдалтай олжээ.

48 настай Шооберг нь зэрлэг адууны зураг авах гэж Костюшко цэцэрлэгт хүрээлэнг байнга зорьдог байна. Машин түрээсийн компаниас түүний түрээсийн хугацаа хэтэрсэн ч огт холбогдохгүй байгаа талаар мэдээлснээр түгшүүр авсан байна. Цагдаа нар аравдугаар сарын 21-нд эрэн хайх ажиллагааг олон нийтийн оролцоотой эхлүүлж, үнэрч нохой, онцгой байдлын алба хаагч, цэцэрлэгт хүрээлэнгийн хамгаалагчид, эхт улаан туяа мэдрэгч бүхий хайгуулын системтэй нисдэг тэрэгний бүрэлдэхүүнийг дайчилжээ. Тус бүс нутагт шөнөдөө 0С градусаас доош орж, хүйтэрдэг тул зургаан хоног амжилт олоогүй эрэн хайх багийнхны найдвар тасарч эхэлсэн ч ням гаргийн үдээс хойш түүнийг олсон байна. Шобергийн ярьснаар, хэд хоног өвс, бут ихтэй газраар төөрч явахдаа зэс толгойт могойд хатгуулжээ. Энэ төрлийн могой хүн рүү дайраад байдаггүй ч эмнэлгийн тусламж үзүүлэхгүй бол хор нь үхэлд хүргэх аюултай байдаг аж.

Х.Энхболд