Олимпын гольфын төрлийн гол фаворит КОВИДЫН улмаас хасагдлаа

Б.Аззаяа | Zindaa.mn
2021 оны 07 сарын 25

“Токио-2020” олимпын наадмын гольфын төрөлд медалийн таамагт багтаж байсан Америкийн гольфчин Брайсон Дишамбе коронавирусээр халдварлаж, тэмцээнээ орхилоо.

АНУ-ын шигшээ баг түргэн хугацаанд шийдвэр гаргаж, түүний оронд Патрик Рийдийг оролцуулахаар болжээ.

Брайсон Дишамбе нь өнгөрсөн жил болсон мэргэжлийн гольфын Америкийн нээлттэй тэмцээнд түрүүлж байсан тамирчин юм. Алдарт ESPN сэтгүүл, олимпын наадмын албан ёсны цахим хуудас энэ олимпоор тогтож харах шилдэг 48 тамирчны нэгээр түүнийг нэрлэж байлаа.

Түүнийг орлохоор болсон Патрик Рийд өнөөдөр эзэн орны гольфчин Касүмигасекитэй эхний тоглолтоо хийнэ.


Эх сурвалж: ABC

 

Сэтгэгдэл ( 0 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Top