Баяртай, Токио: Сайн байна уу, Парис

Токио хотын захирагч Койке Юрико Олон улсын олимпын хорооны ерөнхийлөгч Томас Бахд олимпын тугийг гардуулан өглөө. Томас Бах олимпын дараагийн эзэн хотын захирагч Анне Идалгод дамжуулан өгсөн юм.

Цэнгэлдэх хүрээлэнд дараагийн олимпын наадмын хүлээн авагч Франц улсын тугийг мандуулж, төрийн дууллыг нь эгшиглүүллээ.

Энэ үеэр Парис хотод Эйфелийн цамхаг дээр дүүхэн дэх хэмжээгээрээ хамгийн томд тооцогдох олимпын тугийг байрлуулав. Парис хотын дээгүүр Франц улсын далбааны өнгийг тэнгэрт дүрсэлсэн бол, Эйфелийн цамхгийн өмнөх талбайд “Токио, баярлалаа” гэсэн баннерыг байрлуулсан байлаа.

Үүнтэй зэрэгцэн Токио телевизийн цамхгийг Францын тугийн өнгөөр гэрэлтүүлэв.

Японы угсаа залгамжлах ханхүү Фүмихито эзэн хаан Нарүхитогийн оронд Токио-2020 олимпын хаалтын ёслолын ажиллагаанд оролцлоо.  

33 дахь удаагийн зуны олимпын наадам 2024 оны долоодугаар сарын 26-наас наймдугаар сарын 11-нд болох юм.