“SPARLIAMENT”: Оюутнуудын дуу хоолой шийдвэр гаргалтад хүрэх гүүр

Я.Болор | Zindaa.mn
14 минутын өмнө

 

Парламентыг иргэдэд илүү нээлттэй, хүртээмжтэй болгох зорилготой “Нээлттэй парламент” бодлогын хүрээнд Улсын Их Хурал цахим шинэчлэлийг эрчимжүүлж байна. Үүний үр дүнд parliament.mn цахим хуудасны хэрэглээ эрс нэмэгдэж, иргэдийн санал бодлыг бодлого, хууль тогтоомжид тусгах шинэ боломжууд бий болсоор байна.

Энэ удаа парламент оюутан залууст чиглэсэн “SPARLIAMENT” хөтөлбөрийг эхлүүллээ. Тус хөтөлбөрөөр дамжуулан оюутнууд өөрсдийн үзэл бодол, санал хүсэлт, тулгамдсан асуудлаа parliament.mn/student платформоор илэрхийлэх боломжтой болсон бөгөөд эдгээр санал санаачилгыг хууль тогтоох болон бодлого боловсруулах үйл явцад тусган ажиллах юм.

 

viber_image_2026-11-18_08-06-37-175.jpg

 

Оюутны эрхийг хамгаалах олон улсын өдрөөр Улсын Их Хурлын дарга С.Бямбацогт оюутан залуустай уулзаж, “SPARLIAMENT” хөтөлбөрийг танилцуулан тэдний санал бодлыг сонслоо.

 

viber_image_2026-11-18_08-06-36-166.jpg

 

Ингэснээр залуусын оролцоог зөвхөн нэг удаагийн уулзалт, хэлэлцүүлгээр хязгаарлахгүйгээр тогтмол сонсож, тэдний дуу хоолойг төрийн шийдвэр гаргах түвшинд хүргэх шинэ боломж бүрдэж байна.

 

Сэтгэгдэл ( 0 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Top