УИХ-ын Төрийн байгуулалтын байнгын хороо (ТББХ) өнөөдрийн хуралдаанаараа Монгол Улсын Ерөнхийлөгч У.Хүрэлсүхийн өөрийн хүсэлтээр үүрэгт ажлаасаа чөлөөлөгдөх хүсэлтийг хэлэлцэж, дэмжсэн байна.
Ерөнхийлөгч У.Хүрэлсүх 2026 оны 11 дүгээр сарын 17-ны өдөр өөрийн хүсэлтээр албан тушаалаасаа чөлөөлөгдөх болсноо мэдэгдэж, хүсэлтээ УИХ-д хүргүүлсэн. УИХ дахь МАН-ын бүлэг уг хүсэлтийг хэлэлцэж дэмжсэний дараа өнөөдөр Төрийн байгуулалтын байнгын хороо хуралдан Ерөнхийлөгчийг үүрэгт ажлаас нь чөлөөлөхийг 77.8 хувийн саналаар дэмжлээ.
Байнгын хорооны санал, дүгнэлтийг УИХ-ын чуулганы нэгдсэн хуралдаанаар хэлэлцэн эцэслэн шийдвэрлэнэ. Хуулийн дагуу Ерөнхийлөгч чөлөөлөгдсөнөөс хойш дөрвөн сарын дотор дараагийн Ерөнхийлөгчийн ээлжит бус сонгууль явагдах бөгөөд тэр хүртэл УИХ-ын дарга Ерөнхийлөгчийн бүрэн эрхийг түр орлон гүйцэтгэнэ.


Сэтгэгдэл ( 0 )