Г.Бадрах: Э.Цэндбаатарын тоглолтод шүүлтийн нэг бус асуудал байлаа
Олимпын боксын төрөлд хүрэл медалийн төлөө өрсөлдсөн Э.Цэндбаатарын тулааны шүүлт олны бухимдлыг төрүүллээ.
Монголын баг шүүлтийг шударга бус гэж үзэн, ЭСЭРГҮҮЦЭЛ гаргаад байна. Маргаантай гэж үзэж буй шүүлттэй холбоотойгоор Монголын боксын холбооны ЕНБД, Олимпын зэрэглэлийн шүүгч Г.Бадрахтай ярилцаж, холбооны байр суурийг тодрууллаа.
-Энэ тоглолтын шүүлт дээр гомдол гаргах боломжтой юу?
-Тоглолт маш ширүүн, өрсөлдөөнтэй болсон. Э.Цэндбаатар нэгдүгээр үед таван шүүгчийн саналаар ялсан. Хоёрдугаар үе дээр гурван шүүгчийн саналаар ялсан. Гэтэл гуравдугаар үе дээр Кубын шүүгч 8 оноо өгч, тоглолтыг эргүүллээ. Би өөрөө олимпын зэрэглэлийн шүүгч. Шүүгчийн хувьд дүгнэхэд, ийм юм байж болохгүй. Үүн дээр олимпын наадамд оролцож байгаа МҮОХ-ны удирдлагууд гомдол гаргасан. Би сая тэдэнтэй холбогдлоо.
Миний хувьд дараагийн даваанд Кубын тамирчинтай тоглох учраас тамирчныхаа замыг засаж, албаар 8 оноо өгч, тоглолтыг эргүүлсэн гэж харж байна. Хоёрдугаарт, ОХУ-ын тамирчин тоглож байхад ЗХУ-ын бүрэлдэхүүнд байсан улсуудын шүүгч нарыг тавьж байгаа нь их сонин байна. Оросоор ярьдаг Казахстан, Литва улсын шүүгч нарыг энэ тоглолтод тавих нь ашиг сонирхлын зөрчил үүсгэж байна. Шүүгч нарыг томилдог хүн нь үүн дээрээ анхаарал тавиагүйгээс болж ийм зүйл боллоо гэж бодож байна. Бас гуравдугаар раундын төгсгөлд манай тамирчныг тоолсон. Тоолохоор цохилт байгаагүй. Маш харамсалтай байна. МҮОХ-ны Ерөнхий нарийн бичгийн дарга Э.Бадар-Ууган, МҮОХ-ны тэргүүн дэд ерөнхийлөгч С.Баттүшиг нартай сая утсаар холбогдлоо. Олимпын зохион байгуулах хорооныхонтой уулзаад явж байна гэж байна. Миний хувьд энэ тоглолтын шүүлтийг хүлээн зөвшөөрч чадахгүй байна.
-Манай улсын гаргасан гомдлыг хүлээж авбал цаашаа ямар үйл явц үргэлжлэх вэ?
-Олон улсын боксын холбооны дүрмээр 3:2 гэсэн харьцаатайгаар ялалт байгуулсан тохиолдолд ялалтыг хүлээж, эргүүлэх тохиолдол байдаг. Ийм зүйл гардаг. Өнөөдрийн тоглолт 3:2-оор төгссөн. Хэрвээ 4:1, 5:0-оор төгссөн бол ялалтыг эргүүлэх боломж байхгүй.
Манай үзэгчид ч гэсэн харсан байх. Э.Цэндбаатарын маань хувьд жин их хассан, жаахан ядарсан байдал ажиглагдсан. Гэхдээ оноог нь тоолоод харахад Э.Цэндбаатар үнэхээр илүү тоглолтыг үзүүлж чадсан шүү дээ.
-Олимпын зэрэглэлийн шүүгчийн тань хувьд танаас тодруулахад, ямар тохиолдолд шүүгч 8 оноо өгдөг вэ. 8 оноо бол боксын хувьд бага оноонд тооцогддог...
-8 оноог илт муу тоглож байгаа тамирчинд өгдөг. Энгийн үгээр хэлвэл бокс огт мэдэхгүй хүн ч хараад ялж байгаа тамирчныг нь мэдэхээр, ойлгохоор тоглолтод өгдөг. Гэтэл шүүгч санаатайгаар дараагийн даваанд гарах өөрийнхөө тамирчинд тал засаж, 8 оноо өглөө гэж би ойлгож байна.
Холбоотой мэдээ
Сэтгэгдэл ( 21 )
Дараагийн тоглогч Куба энэ тэр огт падгүй хэрэг. Бокст шүүлтийн луйвар хэзээнээс байсан. Куба шүүгчид хахтал нь мөнгө цутгасан байгаа. Бадрах тэгээд хэлчихвэл 1-д Кубыг гүтгэсэн, 2-т шүүгчид хахууль авдагийг хүлээн зөвшөөрсөн хэрэг болно. Боксыг олимпоос хас. Мэргэжлийн холбоод нь хөгжүүлнэ биз.
Аргаа барахдаа Цэндбаатарын тоглолтыг шүүсэн кубын шүүгчийг корона тусаасай гэж хараамаар л байна шүү.Өөрийнх нь тамирчинг ялна гэж айж л дээ. Хүүхэд хорлочихлоо.
Монголын тамирчин сануулга өгсөөр байтал хориотой газар удаад дараа цохих зэргээр өрсөлдөгчөө үл хүндэтгэж, бохир тоглолт хийсэн гэсэн тайлбар өгсөн байна даа
ОЛигтой хөөфөлдөж чадах болов уу??? Ул орны нэр хүндийг асуудал шүү!!!! Монголчуудын бүр илтээр дээрэлхэж байна шүү!!!
1-r ued manai hun iluurhsen. 2-r ued tentsuuhen baisan. 3 -r ued balbuulj ugsunduu
Босохгүй цохиогүй бол бокс луйвар багаа .цэнд их ядарсан цохилт хүчгүй муу бсан.ер нь бол хувьдаа бол сайн тоглосон.зодоон хар тамхинд оролцсон хүн хол явдаггүй .эхлээд хариуцлагаа сайжируула.жингээ холоос барьж чадаагүй хариуцлагатай холбоотой багш нь муу бнаа
tooluulah onoond hamaagui sh dee
сонирхогчийн бокс байнага л шүүлтийн асуудалтай байдаг. бүх олимпоор ийм байсан. энэ асуудлаар зөвхөн монголын тамирчид хохирдог юм биш өөр олон орны тамирчид шүүлтээс болж хохирч байсан. шүүлтийн асуудлаас болоод олон тамирчид мэргэжилийн бокст орсон
Токиогийн олимп з/б-гаа хороонд л хандвал тэд шударга АЙБА бол луйварчид ш дээ
олимп хүртэл ийм байхаар манай ман ынхан аргагүй л юм байна
Кубын шүүгч луйварт дуртай хүн байна.Сонирхогчдын Боксыг олимпоос хасах цаг нь болсон байнга булхай
Кубын боксчин тоглоход оросын тамирчин хамаагүй амар гэдэг нь харагдаж байна.Илт луйвар..3 р үед оноо хасахын тулд албаар тоолсон...Энэ бол дэлхийн нүдэн дээр хийсэн булхай.
Оросын тамирчин 3-р үе дээр гэнэт сэргээд ирсэн, допинг хэрэглэсэн байх магадлал тун өндөр!!!
badrah chi shuugcheeree l yvahgui darga boloh gj daldaganasnii chin gor n ene medev vv!hohino
Devjeeneesee buuhguugeer eserguutsel uzuulj dahin shuuj onoo uguhiig shaardah baij de! Tamirchif orchulagchtqi yavdag uu?\nEsvel sogtuu ganhuu met n tanilaaraa oron toog n bulaatsan u
Боксын шүүгч шүүлтын арга техник нь үнэхээр хоцрогджээ. Манай үндэсний бөх хүртэл компютроор хянаж үздэг болсон шүү. МҮОХ санал тавьж шинэчлэх цаг нь болжээ. 21 р зуун гараад хорин нэгэн жил өнгөрчээ.
Sad zargaldah heregtei
3 үедээ манарчихсан байсан аргаггүй ялагдсан
Tooluulchikhaar barag shuud yalagdana biz dee tooluulna gedeg chini tsever knock out sh dee barag
Баттүшиг нь хэл устай юм байна. Сайн заргалд
Бүх улс газар авилгад идэгдсэн. Корона энийг нь мэдээд гарч ирсэн байлтай.