SUN MEDICAL ЗӨВЛӨЖ БАЙНА | Элэгний В вирус гэж юу вэ?

Админ | Zindaa.mn
2021 оны 10 сарын 18

Элэгний бүтэц
 

  • Элэг бол хэвлийн баруун дээр оршдог цуллаг эрхтэн
     

Элэг хүний биед маш олон төрлийн үүрэг гүйцэтгэдэг
 

  • Хүний биед гаднаас орж ирсэн болон болон бодисын солилцооны дүнд үүссэн хорт бодисыг хоргүйжүүлнэ
  • Хоол боловсруулах үйл ажиллагаанд оролцоно
  • Бие махбодийн зарим бодисыг хадгалах нөөц “сав”-ны үүргийг гүйцэтгэнэ
  • Зарим витаминууд, эрдсийг нөөцөлж хадгална
  • Цус төлжүүлэх үйл явцад оролцоно
  • Өөх тосны солилцоод оролцоно
  • Цөсийг ялгаруулна

 

 

Элэгний В вирус гэж юу вэ?
 

  • Элэгний В вирус нь гадаад орчинд маш тэсвэртэй бөгөөд халдварлалт өндөртэй вирусын тоонд ордог. Өвдсөн тохиолдолд насан туршийн дархлаа тогтдог
  • Гадаад орчинд В вирус нь долоо хоногийн хугацаанд хадгалагдаж чаддаг (Хатсан дусал цус, зүү, сахлын хутганы үзүүр дээр гэх мэт)
  • Дэлхий дээр нийт 2 сая хүн өвдөж, 350 сая гаруй хүн В вирус тээгч болсон байдаг. Дэлхийн хүн амын 1/3 нь өвчлөл өндөртэй оронд амьдардаг
  • Жил бүр 4 сая хурц халдварын тохиолдол бүртгэгддэг байсан бол сүүлийн 5-7 жилийн хугацаанд В вирусын вакцинжуулалт хийгдсэнээс хойш энэ тоо эрс буурсан

 Элэгний В вирусын халдвар аваад өвдөхгүй байх боломжтой юу?
 

  • Өмнө нь халдвар авч өвдөж байсан болон вакцин хийлгэж байсан хүмүүст халдвар авч өвдөхгүй байх магадлал 100% байж болно
  • Халдвартай эхээс төрсөн нярайд зориулалтын өвөрмөц эсрэг биеийг тарьснаар халдвар дамжихаас 85-95% хамгаалдаг
  • Халдвар авсан дархлаа сайн хүмүүсийн 80-90% нь эдгэдэг. Үлдсэн цөөн хувь нь архаг хэлбэрт шилждэг
  • Ихэнхи тохиолдолд В вирусын халдвар авах үед өвчин хурцаар эхэлдэг. Харин дархлаа муу эсвэл хүүхэд, төрөх үед халдвар авсан нярайд халдвар удаан, архаг явцтай болдог

Анхааруулга: Элэгний С вирусын халдвар авч өвдөөд эмчилгээ хийгээд эдгэсэн ч дахин халдвар авч өвчин үүсэх бүрэн боломжтой буюу дархлаа В вирустай адил тогтдоггүй.

Элэгний В вирусын хүндрэл
 

  • Элэгний хатууралд хүргэх магадлал 10-20% байдаг
  • Элэгний хорт хавдарт хүргэх магадлал бага байдаг боловч дархлаа тогтолцоо муу болон согтууруулах ундааны хэрэглээ их, таргалалт болон бусад дэглэм алдагдсан хүмүүст хорт хавдарт шилжих магадлал 10% болтол нэмэгдэж болно.

Элэгний В вирусын халдварын үед илрэх шинж тэмдэг
 

  • Ихэнхи тохиолдолд элэгний В, С вирусын халдвар авснаа мэдээгүй өнгөрдөг буюу шинж тэмдэггүй байдаг, улмаар архаг халдварт шилждэг
  • Вирус хүний биед идэвхижсэн тохиолдолд шинж тэмдгүүд гарч ирдэг
  • Элэг нь мэдрэлжүүлэлт багатай эрхтэн учир шинж тэмдэг бүдэг, бусад төрлийн эмгэгтэй андуурагдах магадлал их байдаг
  • Ядрах, сульдах, ажлын ачаалал даах чадвар буурах
  • Дотор муухай оргих, хоолны дуршил буурах
  • Жин буурах
  • Элэг орчим буюу хэвлийн баруун дээгүүр хөндүүрлэх, доргиж өвдөх
  • Арьс, салст шарлах, өтгөн цайвар шаргал, шээс хар цай шиг өнгөтэй болох
  • Гэдэс дүүрэх, цанхайх
  • Үе мөчөөр өвдөх

Элэгний В вирусын оношлогоо
 

  • Цусанд шинжилгээ өгч үзнэ
  • Анхан шатны буюу түргэвчилсэн аргаар ихэвчлэн үздэг бол энэ арга нь хуурамч эерэг, хуурамч сөрөг гарах байдлууд нилээдгүй байдаг
  • Иймд шаардлагатай тохиолдолд нарийн шинжилгээний аргуудыг ашиглах нь зүйтэй

Элэгний В  вирусын эмчилгээ
 

  1. Зөв, зохистой хооллолт, эмчилгээний дэглэм
  2. Эмийн эмчилгээ
  3. Мэс заслын эмчилгээ, химийн эмчилгээ
  4. Элэг шилжүүлэн суулгах эмчилгээ

Манай эмнэлгийн Эрхэм зорилго: БИДНИИЙГ ЗОРИН ИРСЭН ҮЙЛЧЛҮҮЛЭГЧ БҮРТ ЧИН СЭТГЭЛЭЭСЭЭ ТУСЛАМЖ ҮЙЛЧИЛГЭЭГ ҮЗҮҮЛНЭ
 

Facebook page: Sun medicial center UB

Ажиллах цагийн хуваарь:

08:30-16:30 Даваа-Баасан

09:00-14:00 Бямба

Утас:7577 7800 , 8882 7500

Хаяг:ХУД 7-хороо, Яармаг

Email: info@sunhospital.maan

Сэтгэгдэл ( 0 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Top