SUN MEDICAL CENTER | “MEDICAL HEALTH AND TECHNOLOGY EXPO 2026”-д oролцоно

Энэ сарын 24–27-ны өдрүүдэд “Мишээл Экспо” төвд зохион байгуулагдах “Medical Health and Technology Expo 2026” үзэсгэлэнд “Sun Medical Center UB” оролцоно.

Тус үзэсгэлэнгээр “Sun Medical Center UB” нь эмнэлгийн тусламж үйлчилгээ, оношилгоо, эмчилгээний чиглэлүүдээ олон нийтэд танилцуулахын зэрэгцээ иргэдэд мэргэжлийн эрүүл мэндийн зөвлөгөө мэдээлэл өгөх, эмнэлгийн үйлчилгээг сурталчлан таниулах, шинэ үйлчлүүлэгчдэд хүрч ажиллах зорилготой.

Үзэсгэлэнгийн үеэр өдөр бүр өөр өөр чиглэлээр мэргэжлийн зөвлөгөө өгнө. Тодруулбал, үзэсгэлэнгийн өдрүүдэд иргэдэд дараах чиглэлээр үзлэг, зөвлөгөө, мэдээлэл хүргэн ажиллана.

• 09 дүгээр сарын 24-нд –Гэмтэл, үе мөчний өдөр Гэмтэл, үе мөч, нуруу, булчин-шөрмөсний үзлэг, мэс заслын зөвлөгөө болон цаашдын оношилгоо, эмчилгээний талаар зөвлөмж мэдээлэл өгнө. Хариуцсан эмч: Э. Баттуяа
• 09 дүгээр сарын 25-нд–Сэргээн засахын өдөр Сэргээн засах эмчийн үзлэг, ЭХО, хөдөлгөөн болон өвдөлтийн үнэлгээ, сэргээн засах эмчилгээний зөвлөгөө Хариуцсан эмч: С. Энхчимэг
• 09 дүгээр сарын 26-нд–Уламжлалт анагаах ухааны өдөр Уламжлалт анагаах ухааны эмчийн үзлэг, зөвлөгөө, ерөнхий үзлэг. Хариуцсан эмч: А.Ичинноров
• 09 дүгээр сарын 27-нд–SUN MEDICAL CENTER-ийн нээлттэй өдөр

Үзэсгэлэнгийн сүүлийн өдөр эмнэлгийн тусламж үйлчилгээ, оношилгоо, эмчилгээний чиглэлүүдийг өргөн хүрээнд танилцуулж, эрүүл мэндийн зөвлөгөө, цаг захиалга болон үйлчилгээний мэдээлэл өгөхөөр төлөвлөжээ.

Sun Medical Center UB-ийн зүгээс иргэдийг “Medical Health and Technology Expo 2026” үзэсгэлэнд хүрэлцэн ирж, эрүүл мэндийн мэргэжлийн зөвлөгөө, мэдээлэл авахыг урьж байна.