О.Отгонзул: Хамрын битүүрлийг тоохгүй явснаар архаг үрэвсэл болж хүндрэх тохиолдол их байна

Сон Медикал Центр Улаанбаатар эмнэлэг нь хамрын амьсгалын саад болон хамрын хэлбэр засах бүх төрлийн хагалгааг хийж байна. Хамрын хэлбэр засах мэс заслын тухай тус эмнэлгийн Чих хамар хоолойн мэс заслын эмч О.Отгонзул дараах зөвлөгөөг өглөө. 

Чих хамар хоолойн үзлэгээр орж ирж буй нийт иргэдийн дунд хамрын таславчийн муруйлт нь 80%-ийг эзлэж байна. Хүмүүс хамрын битүүрлийг тоохгүй явснаар хамар дайвар хөндийн буюу гайморын хөндийн цочмог болон архаг үрэвсэлээр хүндрэх тохиолдол их байна. Иймээс таньд хамар битүүрэх шинж тэмдэг илэрч байвал мэргэжлийн чих хамар хоолойн эмчид зайлшгүй үзүүлэх шаардлагатай юм.

Хамрын таславч муруйлт гэж юу вэ?

Хамрын доторх баруун, зүүн хөндийг тусгаарладаг мөгөөрс, яс нь шулуун биш, нэг тал руугаа мурийх байдлыг хэлнэ.

Ихэнх хүмүүсийнх бага зэрэг муруй байдаг ч амьсгалахад саад болох хэмжээнд байвал эмгэгт тооцно.

 Шалтгаан

• Төрөлхийн (эхийн хэвлийд байх үеэс)
• Гэмтэл, цохилт (багадаа унах, хамраа цохиулах)
• Нүүр, хамрын яс өсөлт жигд бус

 Шинж тэмдэг

• Нэг талын хамар байнга битүүрэх
• Амьсгалахад хэцүү
• Шөнө хурхирах
• Давтамтгай хамар дайврах, синусит
• Толгой өвдөх
• Хамраас цус гарах
• Үнэр мэдрэх чадвар буурах
• Зарим хүнд ямар ч зовиургүй байж болдог.

Яаж оношлох вэ?

• Чих хамар хоолойн эмчийн үзлэг
• Хамрын дотор харах (риноскопи)
• CT зураг (шаардлагатай үед)

 Эмчилгээ

Мэс заслын бус

•  эмийн эмчилгээ

Мэс засал – Септопластик

• Хамрын таславчийг шулуун болгох

хагалгаа 30–60 минут үргэлжилнэ. 

•  Амьсгал мэдэгдэхүйц сайжирна

 Мэс засал хийх заалт:

• Байнгын хамар битүүрэлт
• Давтамтгай синусит
• Хурхиралт, унтахад саад
• Эмэнд үр дүнгүй үед

Анхаарах зүйлс: 

• Зовиургүй бол заавал мэс засал хийх шаардлагагүй
• Шийдвэрийг ЧХХ эмчтэй зөвлөлдөж гаргана