Цагаан ордны ҮАБЗ-ийн Солонгосын хойг, Монголын хэлтсийн даргатай уулзжээ

Гадаад харилцааны дэд сайд Б.Мөнхжин Цагаан ордны ҮАБЗ-ийн Солонгосын хойг, Монголын хэлтсийн дарга Адам Фаррарыг өнөөдөр /2021.12.06/ Гадаад харилцааны яаманд хүлээн авч уулзжээ.

Уулзалт ярианы үеэр талууд Монгол, Америкийн Стратегийн түншлэлийг бэхжүүлэх цаашдын зорилт, эдийн засгийн хамтын ажиллагааг өргөжүүлэх, цар тахлын дараах хамтын ажиллагаа, худалдаа, эдийн засгийн харилцааг нэмэгдүүлэх, томоохон төслүүдэд хөрөнгө оруулалтыг татах зэрэг асуудлаар санал солилцжээ.

Түүнчлэн 2022 онд тохиох хоёр улсын хооронд дипломат харилцаа тогтоосны 35 жилийн ойг хамтран тэмдэглэхээр болсон байна.