"Евразийн эдийн засгийн холбоо, Монгол Улс" форум Улаанбаатарт болно

Э.Мөнхжин | Zindaa.mn
2021 оны 12 сарын 08

Монгол Улсын Засгийн газар, Евразийн эдийн засгийн комисс хоорондын Хамтын ажиллагааны ажлын хэсгийн IV хуралдаан энэ сарын 6-ны өдөр  цахимаар боллоо.

Талууд Монгол Улсын Засгийн газар, Евразийн эдийн засгийн комисс хооронд 2015 оны зургаадугаар сарын 15-ны өдөр байгуулсан Хамтран ажиллах тухай Санамж бичгийн хүрээнд Хамтран хэрэгжүүлэх үйл ажиллагааны төлөвлөгөөг 2022-2025 он хүртэл сунгахаар тохиролцож, хуралдааны дүнгээр протоколд гарын үсэг зуржээ.

Хуралдаанд МҮХАҮТ-ын дарга Т.Дүүрэн оролцож, үг хэлэхдээ ирэх онд "Евразийн эдийн засгийн холбоо, Монгол Улс-2022" бизнес форумыг Монгол Улсад зохион байгуулах санал гаргасан нь хамтын ажиллагааны протоколд тусгагдсан байна.

Сэтгэгдэл ( 0 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Top