Бээжин 2022: Олимпын тамирчид олон нийтийн сүлжээ ашиглаж болно

“Ирэх оны хоёрдугаар сард Бээжинд явагдах Өвлийн олимпын үеэр тамирчид, оролцогчдод Хятадад хаагдсан Instagram, Twitter зэрэг олон нийтийн сүлжээнд орох эрх олгоно” гэж ОУОХ-ноос мэдээллээ.

Олимпыг зохион байгуулах хорооноос бүртгэлтэй бүх оролцогчдод олимпын гол объектуудад тусгай орчинд интернэт олгож, гадаад сайтуудад орох боломж өгөх гэнэ. Мөн зочид буудалд Wi-Fi сүлжээнд өөрийн компьютер, хэрэгслээс нэвтэрч болно.

Хятадын цахим ертөнцөд Google, YouTube, Twitter, Facebook, Instagram болон зарим том хэвлэлийн сайтыг хааж, цензур тавин хянадаг юм.