Э.Энхсайхан биатлоны "Дэлхийн цом"-д 82-р байр эзэллээ

2022 оны 01 сарын 08

Өчигдөр Германы Оберхофт биатлоны Дэлхийн Цомын тав дахь гараа явагдлаа.

Манай улсаас эмэгтэй 3, эрэгтэй 3 тамирчин орос дасгалжуулагч А.Поповын удирдлага дор цуврал тэмцээнүүдэд оролцож байгаа.
 

Өчигдрийн гараанд Энхбатын Энхсайхан Дэлхийн Цомд Олон улсын биатлоны холбоо (IBU)-ноос  тогтоосон эрхийн оноог авч, оролцлоо.

Манай тамирчин буудлагын хоёр шугам дээр тус бүр нэг алдаа гаргаж, 108 тамирнаас 82 дугаар байрт орлоо. Уралдаанд түрүүлсэн ОХУ-ын  Александр Логиновоос тэр 3 минут 23,5 секунд хоцорчээ.

Э.Энхсайхан 2020 онд Лозаннад Өсвөрийн олимпын наадамд Монголын багийн тугчаар ажиллаж байсан билээ.

Монголын баг тамирчид  "Иннсбрук-1964"  өвлийн олимпод биатлоноор анх удаа уралдаж, Б.Дамдинжав 38, Б.Дашгай 42, Т.Лхамсүрэн 44, Ц.Данзан 49 дүгээр байр эзэлж байсан. "Гренобль~1968" наадамд Б.Дамбинжав 38, Б.Дашгай 52 дугаар байр эзэлсэн.

Сэтгэгдэл ( 1 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Зангараг(98.185.22.172) 2022 оны 01 сарын 10

Энэ Энхсайханыг буудан хороовол таарна. Уучлаарай Ерөнхий сайд асан Энхсайхантай андуурчихаж.

0  |  0
Top