ОХУ, Монгол, Хятадын биатлоны тэмцээн зохион байгуулах санал гаргав

ОХУ-ын армийн Украинд хийж байгаа тусгай ажиллагааг эсэргүүцэн, спортын маш олон холбоо Оросын тамирчдыг тэмцээн, уралдаанд оролцуулахгүй шийдвэр гаргаад байгаа.

Олимпын 4 удаагийн аварга Александр Тихонов энэ сарын сүүлээр эхлэх ОХУ-ын аварга шалгаруулах биатлоны тэмцээнийг нээлттэй тэмцээн болгон хийх санал гаргалаа.

Тихонов “IBU холбооноос манай биатлончдыг тэмцээнд оролцохыг хориглолоо. Тиймээс Тюменьд явагдах улсын аваргын тэмцээнийг олон улсын тэмцээн болгон өөрчлөн зохион байгуулья. Беларусь, Казахстан, Монголын багийг урья. Хятадын шигшээ баг ч гэсэн ирвэл сонирхолтой сайхан тэмцээн болно” гэж ярьжээ.