ДУУЛИАН | Аарон Картерын цогцсыг ваннд удсан гэв

"Backstreet Boys" хамтлагийн гишүүн Ник Картерын дүү Аарон Картер өнгөрсөн бямба гарагт Калифорния дахь гэртээ нас барсан байдалтай олдсон. Түүнийг гэрийн үйлчлэгч нь угаалгын өрөөндөө нас барсан байдалтай байхад нь олж улмаар 911 дуудсан тухайгаа мэдүүлсэн байдаг. 

Тэрээр Аарон Картертай хамгийн сүүлд цагдаа нарын хамтаар эрүүл мэндийн үзлэгт орсны дараа буюу баасан гарагийн шөнийн 02:00 цагийн үед уулзжээ. Аарон энэ үеэр цагдаа нарыг харихыг хүсэж, гэрийн үйлчлэгчээ ч мөн өөрийг нь ганцааранг нь үлдээхийг хүссэн байна. Гэрийн үйлчлэгч нь түүнтэй бүтэн өдрийн турш уулзаагүй бөгөөд бямба гарагийн өглөө кофе уух эсэхийг нь асуухаар унтлагын өрөөнд нь оржээ. Угаалгын өрөөний хаалганы цаанаас түүний нохой гасалж буй дуу сонсогдож байсан тул тэрээр угаалгын өрөө рүү нь ортол Аарон Картер хэдийнэ амьсгал хураасан байдалтай ванндаа хэвтэж байжээ. 

Хууль сахиулах байгууллагын эх сурвалжууд түүний цогцос ванндаа удаан хугацааг өнгөрүүлсэн байж болзошгүй хэмээн үзэж буйгаа дурджээ. Учир нь тэднийг очих үед цогцосны өнгө, үнэрт өөрчлөлт орж, ус муудсан байдалтай байсан гэнэ. 

Одоогийн байдлаар түүнийг чухам ямар шалтгааны улмаас амьсгал хураасан болохыг тогтоогоогүй байгаа ч гэрээс нь жороор олгодог эмийн хайрцаг болон савласан агаарын хэд хэдэн лааз олжээ. Ямар нэгэн гэрээслэл, гэмт хэргийн шинж чанартай зүйлс олдоогүй байгаа бөгөөд цагдаа нар хэргийг үргэлжлүүлэн шалгаж байна.