Л.Энх-Амгалан: Бүх оюутныг эрүүл мэндийн үзлэгт хамруулна

Засгийн газрын өнөөдрийн /2023.03.29/ ээлжит хуралдаанаас гаргасан зарим шийдвэрийн талаар Боловсрол, шинжлэх ухааны сайд Л.Энх-Амгалан нар мэдээлэл хийлээ. 

Тэрбээр "Өнгөрсөн долоо хоногт Ерөнхий сайд төрийн болон хувийн их дээд сургуульд сурч байгаа 1500 гаруй оюутантай уулзалт хийсэн. Энэ уулзалтад бэлдэх зорилгоор оюутнуудын дунд асуулга явуулсан. Өнөөдөр Монголд 150 мянган оюутан бий. Тэдэнд тулгамдаж байгаа 10 асуудал байна. Нэгт, эрүүл мэндийн хүртээмж, хоёрт, зээлийн сангаас олгож байгаа тэтгэлэг хомс байна. Гуравт, оюутан цэргийн тоог нэмэх, цаашлаад багш нарын ёс зүй, оюутны дотуур байрыг сайжруулах, цагаар хөдөлмөр эрхлэхэд хөдөлмөрийн мөлжлөг байна" гэсэн асуудлыг хөндөж ярьсан. Номын сангийн дутагдал, автобусны картны асуудлыг мөн эрэмбэлж оруулсан байна.

Ерөнхий сайд энэ асуудалд шийдэл гаргаж, үүрэг чиглэл өгсөн. Цаашид оюутнуудад хүргэж байгаа төрийн үйлчилгээг нэмэх, эрүүл мэндийн үйлчилгээ зэргийг E mongolia-аар явуулах нь зүйтэй гэж үзлээ.

Мөн Эрүүл мэндийн даатгалаа төлөөгүй ч оюутнуудыг нэг удаа үзлэг оношилгоонд оруулахаар болж, тогтоол гаргасан" гэлээ.