Химийн хичээлийн олимпиад болно
“Тавантолгой түлш” ХХК таван жилийн ойгоо тохиолдуулан Сонгинохайрхан дүүргийн Ерөнхий боловсролын сургуулиудын төгсөх ангийн сурагчдын дунд химийн хичээлийн олимпиадыг тус Боловсролын хэлтэс, Ерөнхий боловсролын 122-р хамтран зохион байгуулах гэж байна.
Энэ олимпиад нь тус компанийн нийгмийн хариуцлагын хүрээнд зохион байгуулж буй ажлуудын нэг бөгөөд химийн хичээлийг сонирхон, дагнан суралцаж буй, мөн цаашид энэ чиглэлээр их, дээд сургуульд элсэхээр төлөвлөж буй сурагчдыг дэмжихэд чиглэж байна.
Олимпиад 2023 оны дөрөвдүгээр сарын 11-нд өглөөний 8 цагаас Нийслэлийн Ерөнхий боловсролын 122-р сургуулийн байранд болох бөгөөд Сонгинохайрхан дүүргийн сургууль тус бүрээс 5 хүртэлх сурагч оролцож болно.
Олимпиадад оролцох сурагчдын бүртгэлийг дөрөвдүгээр сарын 6-ны 14 цаг хүртэл 122-р сургуулийн Сургалтын менежер Б.Саруул-Эрдэнийн ohiosaruul@gmail.com цахим хаягаар хүлээн авах бөгөөд бүртгэлийн мэдээллийг Тавантолгой түлш компанийн www.ttt.mn/olymoiad цахим хуудсаар шалгах боломжтой.
Нэгдүгээр байр эзэлсэн сурагчийг 1,500,000 төгрөгөөр, хоёрдугаар байр эзэлсэн сурагчийг 1,000,000 төгрөгөөр, гуравдугаар байр эзэлсэн сурагчийг 500,000 төгрөгөөр, тусгай байранд орсон гурван сурагчийг тус бүр 200,000 төгрөгөөр шагнана.
Хувийн хэрэггүй, бүртгүүлээгүй, болон хоцорч ирсэн сурагчдыг олимпиадад оролцуулах боломжгүй гэдгийг зохион байгуулагчид мэдэгдэж байна.
Холбоотой мэдээ
Сэтгэгдэл ( 1 )
сургууль бүрээс ядаж 3 хүүхэд оролцуулах хэрэгтэй . манай сургууль том даргын хүүхдийг л олимпиадад явуулдаг байсан чаддаг хүүхдүүд нь олимпиадад оролцож үзээгүй багш нар шударга биш шүү тиймээс хүүхдүүдэд боломж өгөх хэрэгтэй