Сун Хе Гёгийн Сун Жүн Ги-ээс салсны дараах ТАВАН АМЖИЛТ

Сун Хе Гё бол Өмнөд Солонгосын энтертайнмент салбарын нэг бахархал юм. Тэрээр 15 настайдаа уран бүтээлийн гараагаа эхэлсэн бөгөөд бараг бүх драмын төслүүд нь алдартай, хит болсон. Түүний хийсэн олон үйлдэл, тэр дундаа хамгийн үзэсгэлэнтэй жүжигчдийн нэг гэдгээрээ олон анхаарлын төвд байдаг.

Тэрээр "Нарны үр сад" алдарт драмын хамтрагч, жүжигчин Сун Жүн Ги-тэй тус уран бүтээлээсээ хайрын романс үүсгэж, улмаар албан ёсоор хамтын амьдралаа зохион фэнүүддээ гэнэтийн бэлэг барьсан. Энэ нь ч үзэгчдийн хүслийг амьдралд биелүүлсэн гайхалтай үйл явдал байв.

Гэвч тэдний хувийн амьдрал тийм ч дардан байж, удаан үргэлжилсэнгүй. 2019 онд албан ёсны нөхөр Сун Жүн Ги-ээс салж, фэнүүдийн "хараал"-д өртөж, хэсэг нам гүм амьдарсан. Гэсэн хэдий ч Сун Хе Гё өөрийн сэтгэл, гайхалтай шаргуу хөдөлмөрөөрөө дахин босож, бүтэлгүйтлээс ганцаараа босож чаддаг "төмөр хатагтай" гэдгээ дэлхий дахинд харуулж чадсан юм.

Түүний нөхрөөсөө салснаас хойш олсон таван амжилтыг энд өгүүлье.

1.

Сун Хе Гё 39 настайдаа Италийн тансаг загварын "Fendi" брэндийн элч төлөөлөгчөөр сонгогдлоо.

Тэрээр Өмнөд Солонгосын  залуу старуудаас дутахгүйгээ гэдгээ харуулж, 2021 оны хоёрдугаар сард Италийн тансаг загварын "Fendi" брэндийн элч төлөөлөгчөөр сонгогдсон. Түүнээс хойш Сун Хе Гё "Fendi"-ийн загварын арга хэмжээнд байнга оролцдог болсон бөгөөд сүүлд 2023 оны хоёрдугаар сарын 22-нд оролцсон "Миланы загварын долоо хоног"-т оролцсон билээ.

Нэмж дурдахад тэрээр 2022 оны долоодугаар сарын 7-нд Fendi's Fall/Winter (F/W) 2022 Couture Collection шоунд оролцсон. Түүнийг тансаг брэндийн элч төлөөлөгч болсноос хойш түүний гоёмсог дүр төрх улам дэгжин болсон.

2.

"Форбес" сэтгүүл Сун Хе Гёг Солонгосын хүчирхэг алдартнуудын жагсаалтад багтаан зарлалаа.

Сун Хе Гё 2022, 2023 онд дараалан "Форбес" сэтгүүлээс гаргадаг Солонгосын хүчирхэг алдартнуудын жагсаалтад багтсан. 2022 онд 29, 2023 онд 25 дугаар байрыг эзэлжээ. Ололт амжилт, алдар нэрээрээ Сун Хе Гё Солонгосын хүчирхэг алдартнуудын жагсаалтад багтах нь зүйн хэрэг. Фенүүд нь түүний гаргасан амжилтаар маш их бахархаж байгаа нь лавтай.

3.

Сун Хе Гёгийн гол дүрд нь тоглосон “The Glory” драмын жүжиг асар их амжилтад хүрч, түүнд дахин нэр хүндийг авчирлаа.

Тэрээр жүжигчин Ли До Хёнтой хамт тус драмын гол дүрд тоглосон. Тэрээр хүчирхийллийн золиос болон амьдрал нь сүйрсэн ч өшөө авахын тулд амьдралаа дахин босгосон Мүн Дун Юн хэмээх эмэгтэйн дүрийг төгс харуулдаг.

Хурц ширүүн үйл явдал, зөрчилдөөн, гол дүрийн жүжигчид болон туслах жүжигчдийн жүжигчний чанар зэрэг нь “The Glory” киног асар их амжилтанд хүргэж, олон нийтийн мэдээллийн хэрэгслийн төрөл бүрийн платформуудаар цацагдаж, дэлхий даяар Netflix стриминг платформ дээр трэнд болсон. Сун Хе Гёгийн жүжиглэлтийг драмын олон шүтэн бишрэгчид болон мэргэжилтнүүд магтсан нь үнэхээр гайхалтай байлаа.

4.

1981 онд төрсөн жүжигчин 59 дэх удаагийн "Baeksang Arts Awards"-аас шилдэг эмэгтэй дүрийн шагналыг хүртлээ.

"The Glory" киноны амжилтын дараа Сeн Хе Гё 2023 онд болсон 59 дэх удаагийн "Baeksang Arts Awards"-ын шилдэг эмэгтэй дүрийн төрөлд нэр дэвшсэн. Тэрээр Ким Жи Вон, Ким Хэ Сү, Пак Юн Бин болон Бэ Сүзи зэрэг дөрвөн алдартай жүжигчний хамт нэр дэвшсэн юм.

2023 оны дөрөвдүгээр сарын 28-ны өдөр шагнал гардуулах ёслолын үеэр Сун Хе Гё драмын төрөлд нэр дэвшсэн дөрвөн оролцогчийг ардаа орхин "Шилдэг эмэгтэй дүр"-ийн ялагчаар тодорлоо. Түүний “The Glory” киноны Мүн Дун Юний дүр нь үзэгчдэд гүн сэтгэгдэл үлдээж, шүүгчдийн зүрх сэтгэлийг байлдан дагуулжээ. Энэ хатуу эмэгтэйдалга таших ёстой!

5.

Өнгөрсөн долоо хоногт Бак Туан Путри, Сун Хе Гё нар дэлхийн хамгийн том загварын арга хэмжээ болох "Met Gala 2023"-д анхныхаа дебютийг хийж, олон нийтийн сүлжээгээр шуугиан тарьсан. Тэрээр домогт загвар зохион бүтээгч Карл Лагерфельдийн нэрэмжит тус арга хэмжээнд Фендигийн Брэнд элчээр оролцсон юм.

Сун Хе Гё "Fendi" компанийн гүйцэтгэх захирал Серж Бруншвиг дагуулан "Met Gala 2023" арга хэмжээний улаан хивсний ёслолд тоорын ягаан өнгөтэй, урт даашинзтай ирсэн нь үнэхээр дэгжин харагдсан. Түүний сэтгэл татам дүр төрх хэвлэл мэдээллийн хэрэгслээр шуугиан тарьсаар байна.

Түүний эдгээр таван амжилт нь эмэгтэй хүн амьдралын олон сорилттой тулгарсан ч өмнөхөөсөө илүү хүчирхэг болж чадна гэдгийг нотолж байна.

Хэчнээн хүчтэй шуурга шуурсан ч унагаж чадахгүй, сул дорой биш гэдгээ батлан харуулсан Сун Хэ Гё боломжгүй зүйл гэж байдаггүйг харууллаа. Түүний нөхрөөсөө салснаас хойших амжилтууд нь түүний мэргэжлийн ур чадвар, хичээл зүтгэл, шаргуу хөдөлмөрийг илтгэдэг. Тэр бол хамгийн шилдэг нь!