Шинэ Камила Валиева шинэ улиралд бэлэн

ОХУ-ын уран гулгалтын улирал эхлэхэд бэлэн болжээ. Хэдийгээр олон улсын тэмцээнд орос тамирчид оролцох эсэх нь тодорхой бус байгаа ч шилдэг тамирчид эхний гулгалтаа өчигдөр хийлээ.

Камила Валиева 2023/24 улиралд огт өөр болоод ирснээ харуулав. Түүний допингийн хэргийн CAS шүүх хурал энэ сарын сүүлээр болох билээ. Тэрээр богино үзүүлбэртээ “365 өдөр” эротик драм киноны дууг сонгож, улаан өнгийн даашинзтай гарч ирсэн юм. Камила өөрөө имижээ солихыг хүссэн гэх бөгөөд дасгалжуулагч нар нь ч хүссэнийх нь дагуу шинэ номер бэлтгэн өгсөн байна.