Ханжоу-2022 | Бадминтончид тэмцээнээ эхлүүллээ

Гэрэл зургийг: Ч.Ганбат, Монголын спортын сэтгүүлчдийн холбоо

“Ханжоу 2022” Азийн наадмын бадминтоны төрөл өнөөдөр /2023.09.28/ эхэллээ.

Энэ удаагийн тэмцээнд 23 орны 246 тамирчин оролцож буй. БНХАУ, БНСУ, Япон, Хятадын Тайпэй, Хонконг Хятад, Индонез, Тайландын баг бүрэн бүрэлдэхүүнээр буюу 20 тамирчинтай оролцож байгаа юм. Харин Монголын шигшээ баг 13 тамирчинтай Ханжоуд иржээ.

Тэмцээний эхний өдөр эрэгтэй, эмэгтэй багийн төрлөөр өрсөлдлөө. Эрэгтэй баг Балбын багтай оноолт таарч, 1:3-аар дийлдлээ. Манай багаас Э.Сумъяасүрэн Балбын Бишну Катувалыг 23:21, 22:24, 21:17-гоор ялсан юм.

Харин эмэгтэй баг Энэтхэгийн шигшээ багтай таарч, 0:3-аар хожигдсон аж.Багийн дүн ирэх сарын 1-нд дуусна. Харин ганцаарчилсан, хос болон холимог хос төрөл 10 сарын 2-нд эхлэх хуваарьтай.