АЗИЙН НААДАМ: Триатлончид “Парис-2024” олимпын эрхийн төлөө өрсөлдлөө

“Ханжоу-2022” Азийн наадмын триатлоны холимог багийн буухиа уралдаанд 12 орны баг оролцож, мөн Парис-2024 олимпын эрхийн онооны төлөө өрсөлдлөө.

Триатлоны спорт анх Азийн наадмын хөтөлбөрт багтсан 2006 оноос тасралтгүй оролцож ирсэн цөөхөн орны нэг нь Монгол Улс юм.Энэ удаад манай багийн бүрэлдэхүүнд спортын мастер Ч.Гансүх, Г.Амарсанаа, залуу тамирчин О.Эрдэнэзул, Г.Ганцэцэг нар хурд хүчээ сорьж, 2 цаг 12 минут 34 секундын амжилтаар замаа дуусгав.

Тэмцээнд Япон, БНХАУ, Хонконгийн багууд медальт байрт шалгарлаа.

Ч.Отгонбаатар (Sato.Ch)

Гэрэл зургийг: Д.Нямбилэг, Монголын спортын сэтгүүлчдийн холбоо