У.Сүрэнжав алтан медалийн төлөө тулалдана

БНХАУ-ын Ханжоу хотод Азийн зуны спортын пара наадам болж байгаа бөгөөд өнөөдөр /2023.10.23/ таеквондогийн төрөлд дасгалжуулагч Н.Эрдэнэбаатар, Д.Батнасан нарын удирдлага дор оролцож буй Монголын тамирчин У.Сүрэнжав эмэгтэйчүүдийн к44 ангиллын 52 кг-ын жинд алтан медалийн төлөө тэмцээн зохион байгуулагч БНХАУ-ын тамирчинтай хүч үзэхээр шалгарлаа.

У.Сүрэнжав шигшээд шалгарах замдаа Иран, БНХАУ-ын тамирчныг буулган авсан бөгөөд тэрбээр саяхан ДАШТ-ээс хүрэл медаль хүртэж, гранпри тэмцээнээс хоёр мөнгөн медаль хүртсэн юм.

У.Сүрэнжав ийнхүү Азийн зуны спортын наадмын Монгоын багийн медалийн салхийг хагалж байна.