Японд газар хөдлөлтөөр амиа алдсан хүний тоо 180 болжээ

Японы Ишикава мужийн Ното хойгт болсон газар хөдлөлтөөр амиа алдсан хүмүүсийн тоо 180 болж нэмэгджээ.

Амиа алдсан хүмүүсийн тоо даваа гарагийн байдлаар 160 гаруй байсан юм. “Kyodo” агентлагийн мэдээлснээр сураггүй болсон хүний тоо 100 гаруй байна.

Үүний өмнө Японы Батлан хамгаалах яам газар хөдлөлтөд өртсөн бүс нутгуудад ажиллах алба хаагчдынхаа тоог 5.4 мянга болгож нэмэгдүүлсэн талаар мэдэгдсэн юм.