Шумбагч мөнгө шилжүүлэхийг хүлээж байх хооронд хүн живжээ

Энэтхэгт шумбагч мөнгө шилжүүлэхээс нааш туслахыг татгалзсаны улмаас хүн усанд живсэн золгүй хэрэг гарчээ.

Уттар Прадеш мужийн захиргаанд ажилладаг байсан хохирогч Ганга мөрөнд сэлфи хийх гэж байгаад хөл алдаж, ус руу унасан байна. Найзууд нь түүнийг аврахын тулд ойрхон байсан шумбагчид ханджээ. Харин шумбагч 10 мянган рупий нэхсэн байна. Найзуудад нь бэлэн мөнгө байгаагүй тул онлайнаар шилжүүлэг хийх үеэр хохирогчийг түргэн урсгал авч явсан байна. Мөнгө дансанд нь орсны дараа шумбагч гол руу орсон ч хохирогчийг олж чадаагүй байна. Аврагчид эрэн хайх ажиллагаа эхлүүлжээ.