ДОРНОД: Улз голд осолдсон иргэний цогцсыг цагдаад хүлээлгэж өгчээ

Өчигдөр буюу зургаадугаар сарын 4-ний өдөр нэг хүн усанд осолдож нас баржээ. 

Тодруулбал, Дорнод аймгийн Чулуунхороот сумын Цагаанчулуут багийн "Морин зовуд" гэдэг газар /аймгийн төвөөс зүүн хойд зүгт 212 км-т, сумын төвөөс баруун урд зүгт 23 км-т, 49°43'15.78"N 115°33'39.51"E/  Улз голын усанд хүн живсэн тухай мэдээлэл аймгийн онцгой байдлын газарт иржээ. 

Мэдээллийн дагуу тус сумын Засаг даргын тамгын газрын ажилтнууд  23 км зам туулан 15:35 цагт ослын газарт очиход иргэн 31 настай эрэгтэй У-ын цогцос Улз голын усны мандал дээр хөвж байхад нь гаргажээ.

Улмаар Цагдаагийн байгууллагад шилжүүлэн өгсөн байна гэж Онцгой байдлын ерөнхий газраас мэдээллээ.