Сэлэнгэ мөрөнд осолдсон иргэдийг 12 дахь өдрөө эрэн хайж байна

Сэлэнгэ мөрөнд осолдсон байж болзошгүй иргэдийг 12 дахь өдрөө эрэн хайж байна.

Тодруулбал, Булган аймгийн Сэлэнгэ сумын Тариахтай багийн “Харлагийн голын-Адаг” гэдэг газар /аймгийн төвөөс зүүн хойд зүгт 134 км, сумын төвөөс баруун хойд зүгт 24 км/, Хялганат тосгоноос баруун зүгт 35 км/ “Портер” загварын ачааны автомашинтай зорчиж явсан 3 хүн 04.09-ний өдрөөс сураггүй болсон бөгөөд “Сэлэнгэ” мөрөнд осолдсон байж болзошгүй тул эрэн хайх ажиллагаанд дэмжлэг үзүүлж ажиллах тухай хүсэлтийг аймгийн Цагдаагийн газраас энэ сарын 12-ний өдрийн 12:53 цагт хүлээн авсан.

Өчигдрийн байдлаар тус аймгийн Онцгой байдлын газрын даргаар ахлуулсан алба хаагчид, тус сумын Засаг даргын Тамгын газрын ажилтнууд иргэн С /47 настай, эрэгтэй/, О /47 настай, эмэгтэй/, Б /6 настай, эрэгтэй/ нарыг 2 бүлэгт хуваагдан 1 дүгээр бүлэг “Харлагын голын-Адаг” гэдэг газраас зүүн зүгт 1 км-т завиар урсаж 6 метрийн гүнд 9 удаагийн шумбалт хийж, 2 дугаар бүлэг Харлагын голын-Адаг” гэдэг газраас зүүн зүгт 5 км голын эрэг дагуу эрэн хайх ажиллагааг зохион байгуулсан боловч үр дүнд хүрээгүй тул орой түр зогсоож, өнөөдөр эрэн хайх ажиллагааг дахин эхлүүлээд байна.