Сэлэнгийн эргээс дахин гурван цогцос олж, хоёр иргэнийг хайж байна

Б.Гантуяа | Zindaa.mn
2021 оны 04 сарын 23

Энэ сарын 21-ний өдөр Сэлэнгэ мөрнийг завиар гатлах гэж байсан иргэд осолдож, хоёр хүн амиа алдсан харамсалтай хэрэг гарсан.

Хөвсгөл аймгийн харьяат арван иргэн Тосонцэнгэл сумын Тээл багаас Рашаант сум руу явахаар Сэлэнгэ мөрнийг завиар гатлах үед татлага олс нь тасарснаар завь нь хөмөрсөн юм. Улмаар 3-38 насны гурван эрэгтэй голын эрэгт эсэн мэнд хүрсэн бол таван сартай хүүхэд, 50 настай эрэгтэйн цогцос олдсон. Үлдсэн таван иргэнийг эрэн хайх ажиллагааг аймгийн Онцгой байдлын газраас зохион байгуулж, дахин гурван иргэний цогцсыг олсон байна.

Тодруулбал, өчигдөр өглөөний 09:37 цагт осол болсон газраас 3.5 км зайд тус сумын харьяат, иргэн Т, 10:30 цагт осол болсон газраас 4 км зайд Рашаант сумын харьяат А, 16:30 цагт осол болсон газраас 20 км зайд тус сумын харьяат иргэн Т нарын цогцсыг Сэлэнгэ мөрний эргээс олж, цогцсыг цагдаагийн байгууллагад шилжүүлж өгчээ.

Оройн 21:00 цагт үзэгдэх орчин хязгаарлагдмал болсон тул эрлийн ажиллагааг түр зогсоож, өнөөдөр /2020.04.23/ өглөөний 06.00 цагт эхлүүлсэн байна. Одоогоор хоёр иргэнийг эрэн хайж байна.  

Сэтгэгдэл ( 1 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
зочин(103.57.93.125) 2021 оны 04 сарын 23

онцгой байдлын хүмүүсийг өрөвдөж байна хаврын хүйтэн ус хэцүү дээ манахйаны хариуцлагагү йхайнга аижл хэн хэндээ гай болох юм даа

1  |  0
Top